Uviečary ŭ piatnicu, 2 kastryčnika, u Paryžy zaviaršyłasia sustreča «narmandskaj čaćviorki» pa Ukrainie. Pieramovy praciahvalisia kala piaci hadzin. Paśla ich zaviaršeńnia kartežy prezidentaŭ Rasii i Ukrainy pakinuli Jelisiejski pałac, a kancler Hiermanii i prezident Francyi zastalisia dla razmovy z žurnalistami.
Fransua Aland zajaviŭ, što kiraŭniki MZS Francyi, Rasii, Ukrainy i Hiermanii sustrenucca dla acenki prahresu, dasiahnutaha pry vykanańni minskich damoŭlenaściej, u pačatku listapada. Pry hetym Aland adznačyŭ, što režym spynieńnia ahniu na ŭschodzie Ukrainy ŭ cełym vykonvajecca. Jon ukazaŭ, što minskija pahadnieńnia pavinny być realizavany, jak i praduhledžvałasia pry ich zaklučeńni, da kanca 2015 hoda. Razam z tym jon adznačyŭ, što ich vykanańnie budzie praciahnuta i paśla 31 śniežnia.
Aland taksama padkreśliŭ, što miascovyja vybary ŭ samaabvieščanych respublikach DNR i ŁNR varta pieranieści. Na jaho dumku, ich možna budzie pravieści tolki paśla pryniaćcia va Ukrainie śpiecyjalnaha zakona ab vybarach.
Novy zakon nieabchodna abmierkavać u ramkach rabočaj hrupy, ukazaŭ prezident Francyi. Jon zaklikaŭ samaabvieščanaje kiraŭnictva niepryznanych DNR i ŁNR admovicca ad namiečanych vybaraŭ, jakija nie adpaviadajuć zakonam Ukrainy. Novyja vybary, padkreśliŭ jon, pavinny całkam adpaviadać kryteram ABSIE. Usim kandydatam, pavodle jaho słoŭ, budzie pradastaŭleny imunitet na čas vybaraŭ.
Kamientary