«Vałyń, nam niama dzie žyć!» – padmanutyja dolščyki vyjšli z płakatami ŭ centr Minska

U centry stalicy, kala Ratušy, 3 kastryčnika prajšoŭ pikiet padmanutych dolščykaŭ TAA «Vałyń».

Bolš za sotniu siemjaŭ ukłali hrošy ŭ budaŭnictva šmatpaviarchovaha doma. Ale budoŭla spyniłasia na ŭzroŭni niekalkich pavierchaŭ, a nieŭzabavie vyśvietliłasia, što kiraŭnictva firmy-zabudoŭščyka zajmałasia machlarstvam. Kiraŭnikoŭ «Vałyni» aryštavali, a ludzi ŭ vyniku zastalisia i biez hrošaj, i biez žylla.

Pavialičyć

 «My źviartalisia va ŭsie orhany ŭłady – i ničoha. Horad razhladaŭ taki varyjant – źviarnucca ŭ ekanamičny sud, kab sud likvidavaŭ «Vałyń», toj kavałak fundamienta i niekalki pavierchaŭ pradać na aukcyjonie i hrošy padzialić pamiž pieršymi čerhami daŭžnikoŭ, a toje, što paśla hetaha zastaniecca – dolščykam. Samo saboj, taki varyjant nas nie zadavalniaje., - kaža Siarhiej. Jaho maci nabyła ablihacyi «Vałyni» i zastałasia ni z čym. - Čynoŭniki prosta chočuć adkaraskacca ad ludziej z najmienšymi nastupstvami dla siabie. Nichto nie choča stracić svaju pasadu».

Pavialičyć

Tamu Siarhiej razam ź inšymi klijentami «Vałyni» pryjšoŭ siońnia da Ratušy. Pa jaho słovach, dolščyki bolš za 30 razoŭ źviartalisia ŭ Minharvykankam, kab zładzić pikiet, ale atrymlivali tolki admovy. Tamu siońnia ludzi «aficyjna» vyjšli na pikiet Taćciany Karatkievič.

«Naša hałoŭnaja zadača – źviarnuć uvahu ludziej, i, hałoŭnaje, prezidenta. My chočam, kab tych, chto vinavaty pryciahnuli da adkaznaści. A heta i čynoŭniki z harvykankama, jakija zakryvali na nas vočy, a ciapier błakujuć usie našy zvaroty i zajavy. Kiraŭnictva «Vałyni» pasadzili, ale čynoŭniki, jakija pracavali z «Vałyńniu», vydavavali dazvoł, hetyja čynoŭniki pracujuć dalej, - praciahvaje Siarhiej. – Ale my budziem praciahvać zmahacca. Naprykład, kali nas praihnarujuć, to budziem chadzić siudy štodnia da 11 kastryčnika».

Pavialičyć

«Učora my byli na pryjomie ŭ Kalinina, namieśnika premjer-ministra. Tam byŭ Łapcieŭ, namieśnik mera pa pytańniach budaŭnictva i inviestycyj. Kalinin paabiacaŭ, što našu prablemu buduć razhladać na najvyšejšym uzroŭni. Skazaŭ, što razam z nami buduć vypracoŭvać stratehiju, jak vyrašyć pytańnie. To bok, nas buduć zaprašać na narady, schody, buduć zaprašać tudy ž Śledčy kamitet, antykryzisny kiraŭnik «Vałyni», čynoŭniki…, - raspaviadaje Andrej Bosik. U 2013 hodzie jon ukłaŭ u budaŭnictva 72 tysiačy dołaraŭ – i siońnia nie maje ani hrošaj, ani kvatery. - Ale my nie nadta vierym u heta. Bo nam uvieś čas, ci abiacajuć štości, a potym ničoha nie robiać, ci prosta nas ihnarujuć. Tamu my i vyjšli siońnia na vulicu».

Pavialičyć

Taksama na pikiecie vystupiŭ pradstaŭnik pradprymalnikaŭ, jakija ŭkłali hrošy ŭ HC «Halereja» i prapanavaŭ dolščykam abjadnacca. Nieŭzabavie dałučyłasia da pikietu i sama Karatkievič. Kandydatka vysłuchała ludziej, raspaviała jak važna abjadnoŭvacca ŭ baraćbie za svaje pravy, i ŭ čarhovy raz zaklikała nie chadzić na daterminovaje hałasavańnie i padtrymać mirnyja pieramieny.

• 0
• 0
• 0
• 0
• 0
• 0
• 0
• 0