Namieśnik kiraŭnika Administracyi prezidenta Ukrainy Kanstancin Jelisiejeŭ zajaŭlaje, što Rasija, jakuju pradstaŭlaŭ u Paryžy prezident Uładzimir Pucin, sprabavała źmiakčyć sankcyi, ale pazicyja «narmandskaj čaćviorki» zastałasia niaźmiennaj — admiena sankcyj paśla poŭnaha vykanańnia Minskich pahadnieńniaŭ.
Pra heta jon skazaŭ siońnia na bryfinhu ŭ Kijevie.
«Byli sproby zrabić lubyja ruchi dla taho, kab kali Minsk nie admianić, to, pa mienšaj miery, źmiakčyć sankcyi ES suprać Rasijskaj Fiederacyi. Hetaha taksama nie adbyłosia. Bolš za toje, było vyrazna kanstatavana, što sankcyi Jeŭrapiejskaha Sajuza i mižnarodnaj supolnaści ŭ dačynieńni da Rasii buduć dziejničać da taho času, pakul całkam nie buduć vykanany ŭsie ŭmovy i ŭsie ŭzhadnieńni Minskich damoŭlenaściej», — padkreśliŭ Jelisiejeŭ.
Jak adznačyŭ namieśnik kiraŭnika AP, rasijski bok sprabavaŭ pierakanać, što sankcyi da Minskaha pracesu nie majuć nijakaha dačynieńnia, i Rasija za situacyju na Danbasie nie niasie nijakaj adkaznaści.
«Naadvarot, pa vynikach pieramovaŭ była padkreślenaja asablivaja adkaznaść Maskvy za poŭnuju i dobrasumlennuju implemientacyju Minskich damoŭlenaściej», — zajaviŭ Jelisiejeŭ.
Kamientary