Fota Siarhieja Hudzilina
Sud ES u Luksiemburhu ŭ aŭtorak anulavaŭ sankcyi, uviedzienyja ŭ 2012 hodzie ŭ dačynieńni da Juryja Čyža i dvuch jaho aktyvaŭ, kampanii «Trajpł» i futbolnaha kłuba «Dynama». Jak paviedamlaje Euobserver, Rada Jeŭropy nie pradstaviła dokazaŭ taho, što Čyž «finansava padtrymlivaje aŭtarytarnyja biełaruskija ŭłady ŭ abmien na sadziejničańnie jaho biznesu».
Juryj Čyž zajmaje pieršuju pazicyju ŭ rejtynhu samych paśpiachovych i ŭpłyvovych biźniesmienaŭ Biełarusi pavodle viersii «Ježiednievnika».
Raniej, u lipieni, Jeŭrasajuz dvojčy skaračaŭ čorny śpis biełaruskich čynoŭnikaŭ i jurydyčnych asob, vyvieŭšy z-pad sankcyj 26 čałaviek i čatyry kampanii, jakija naležać Čyžu.
Z sankcyjnych śpisaŭ vykraślili u asnoŭnym byłych čynoŭnikaŭ, u tym liku i tych, chto zajmaŭ vysokija pasady: byłuju pamočnicu prezidenta Natallu Piatkievič, eks-kiraŭnika Administracyi prezidenta Hienadzia Niavyhłasa, byłoha staršyni savieta respubliki Anatola Rubinava, byłoha namieśnika kiraŭnika MUS Jaŭhiena Południa, eks-ministra pa padatkach i zborach Uładzimira Pałujana, byłoha staršyni Fiederacyi prafsajuzaŭ Leanida Kozika i t. d.
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2
Kamientary