Vykładčyk Homielskaha politechničnaha kaledža pryviała hałasavać dźvie hrupy navučencaŭ
Vykładčyk Homielskaha politechničnaha kaledža pryviała hałasavać dźvie hrupy navučencaŭ. Naziralnik ad AHP Alaksandr Hierd staŭ śviedkam, jak majstar vytvorčaha navučańnia Homielskaha politechničnaha kaledža Ała Špadaruk pryviała hałasavać dźvie hrupy navučencaŭ siarednie-śpiecyjalnaj ustanovy.
Varta zaŭvažyć, što ŭčastak dla hałasavańnia № 12 Centralnaha rajona Homiela raźmieščany ŭ budynku HKC - hramadska-kulturnaha centra. Uznačalvaje ŭčastkovuju kamisiju dyrektar politechničnaha kaledža Alaksandr Savicki.
«U 11:25 na ŭčastak pryjšła žančyna, jakaja badziora adrapartavała členam učastkovaj kamisii, što pryviała hałasavać navučencaŭ kaledža, dźvie hrupy — F-31SK i EO-31SK. Sama žančyna, jak akazałasia, majstar vytvorčaha navučańnia kaledža, vybarščykam na dadzienym učastku nie źjaŭlajecca. Arhanizavana pryvodzić hałasavać navučencaŭ - heta pramoje parušeńnie zakanadaŭstva», - prakamientavaŭ situacyju Alaksandr Hierd.
Pavodle jaho źviestak, na hetym učastku № 12 na 13:30 6 kastryčnika ŭžo prahałasavali 126 čałaviek, u asnoŭnym heta navučency kaledža. Siarod tych, chto prahałasavaŭ, byli tolki 5-7 piensijanieraŭ. Usiaho na ŭčastku bolš za 1900 vybarščykaŭ. Na inšych učastkach - bolš ścipłyja ličby prahałasavaŭšych daterminova.
Tak, na ŭčastku № 10 Centralnaha rajona naziraje Alaksandr Šarypa, kaardynatar kampanii «Prava vybaru». Pavodle jaho słoŭ, z 10.00 da 13.00 prahałasavali na ŭčastku 19 čałaviek, u asnoŭnym piensijaniery. Učastak №10, raźmieščany ŭ budynku škoły №24 admietny tym, što tut ŭstanoŭlena prazrystaja skrynia.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary