Hrodzienskaja tancorka zastrachavała svaje jahadzicy na 25 tysiač dalaraŭ
Niekalki dzion tamu viadomaja tancorka vykłała u internet videa, jakoje ŭžo paśpieła raźlaciecca pa ŭsioj krainie. Tam jana tančyć tvierk nočču na centralnaj vulicy horada.
Ale jak vyśvietliłasia, heta byli jašče «kvietački». Litaralna za niekalki hadzin da našaj sustrečy Ola Leta pajšła na čarhovy niečakany ekśpierymient: tancorka zastrachavała svaje jahadzicy na 25 tysiač dalaraŭ.
Na taki ŭčynak jaje padšturchnuli blizkija siabry, jakija paśpieli paraŭnać haradzienku ź viadomaj łacinaamierykanskaj zorkaj Dženifier Łopies.
— Nu, a što, mnie prapanavali — ja pahadziłasia. Tut ničoha niama drennaha. Spartsmieny strachujuć siabie ad roznych traŭmaŭ, a ja voś vyrašyła zastrachavać svaju popu, bo jana ŭ mianie samaja ruchomaja, — raspaviadaje tancorka.
Muž Ihar stanoŭča stavicca da dziejańniaŭ tancorki. — Heta jaje vybar i ja jaho ŭchvalaju. Što tyčycca tancaŭ, to ja hanarusia, što ŭ mianie takaja žonka. Ułasna tvierk nas i paznajomiŭ. Sama Ola nie čakała, što jaje apošniaje videa, tak chutka raźlacicca pa internecie.
Ščyra, ja imknusia źniać videa ŭ tym miescy, dzie byvaju: Vialikaja kitajskaja ściana, Ejfieleva vieža, Krasnaja płošča. A voś na haradzienskich słavutaściach u mianie nikoli ničoha nie było. My źniali videa - atrymałasia dobra. Usio atrymałasia spantanna. Ludzi tym časam padchapili i pačali paraŭnoŭvać heta z erotykaj i z drennymi dziaŭčynami. Ja mahu skazać adno, hety vid tanca zaraz vykarystoŭvajecca praktyčna ŭ kožnym klipie. Ja pakazała toje, što na Zachadzie źjaŭlajecca zvyčajnaj spravaj. Jak akazałasia, dla nas heta było ŭ navinku.
U bližejšych płanach u tancorki — adkryć u Hrodnie škołu tanca, dzie asnoŭny nacisk budzie mienavita na nabirajučy papularnaść tvierk.
— U mianie i ciapier zajmajucca roznyja dziaŭčyny. Prychodziać z roznymi metami: chtości dla fihury, chtości dla muža, a kamucci heta prosta cikava. Ja liču, ludzi majuć prava rabić toje, što im padabajecca.
Kamientary