Ukraina nie atrymała ad Rasavijacyi tłumačeńniaŭ, na padstavie čaho ukrainskim kampanijam zabaranili lotać u RF, i tamu całkam spyniaje avijaznosiny z Rasijaj.
Pra heta paviedamiła pres-słužba Ministerstva infrastruktury Ukrainy.
«U suviazi z adsutnaściu adkazu ad Rasavijacyi z tłumačeńniem pryčyn abmiežavańni palotaŭ ukrainskim avijakampanijam Dziaržaŭnaja avijacyjnaja słužba Ukrainy pryniała rašeńnie ab poŭnym spynieńni pavietranaha ruchu pamiž Ukrainaj i RF z 25 kastryčnika 2015 hoda», — havorycca ŭ paviedamleńni.
U MIU zajavili, što «takaja miera budzie prymienienaja da ŭsich rasijskich avijakampanij, i budzie dziejničać da admieny zabaronaŭ, uviedzienych avijacyjnymi ŭładami RF adnosna ŭkrainskich avijakampanij».
«Paśla admieny zabarony rasiejskim bokam rasijskija avijakampanii, jakija nie trapili ŭ sankcyjny śpis, zmohuć ažyćciaŭlać paloty va Ukrainu», — zajavili ŭ ministerstvie.
Dziaržavijasłubža ŭžo prainfarmavała Rasavijacyju ab svaim rašeńni.
Jak viadoma, 25 vieraśnia Ukraina ŭviała sankcyi suprać rasijskich avijakampanij, jakija ažyćciaŭlali paloty ŭ Krym. Kijeŭ matyvavaŭ svajo rašeńnie dvuchbakovym pahadnieńniem, jakoje dazvalaje taki krok u vypadku parušeńnia pieravozčykami ŭkrainskaha zakanadaŭstva.
U toj ža čas, Rasija adkazała «lustranymi» zabaronami na paloty piaci ukrainskim kampanijam, nijak svajo rašeńnie nie matyvujučy.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary