MTIS madernizuje sietki: minimalnaja płata za kabielnaje TB rezka pavyšajecca
U apošnija miesiacy najbujniejšy minski kabielny apieratar MTIS madernizuje svaje televizijnyja sietki. Pryčym samyja tannyja pakiety teleprahram akazvajucca niedastupnyja dla abanientaŭ, a košt pasłuh vyrastaje ŭ niekalki razoŭ.
Raniej minimalny pakiet kanałaŭ («Sacyjalny», 8 kanałaŭ) kaštavaŭ mienš za 10 000 rubloŭ u miesiac. Paśla madernizacyi abanientam pryjdziecca pierajści na pakiet «Pašyrany», jaki abydziecca ŭ 60 060 rubloŭ štomiesiac. Kanałaŭ stanie našmat bolš — 60 ličbavych i 55 anałahavych. Admovicca ad źmien budzie vielmi składana.
«Abanienty, jakija nie chočuć hladzieć 55 teleprahram, mohuć nabyć filtr, jaki dazvolić hladzieć 25 teleprahram pa canie 24 060 rubloŭ u miesiac, — tłumačać pradstaŭniki MTIS. — Kaštuje jon 288 000 i akupicca za 9 miesiacaŭ».
Filtr ustalujuć na raźmierkavalnym ščycie na leśvičnaj placoŭcy. Tym, chto nie zhodny z takim varyjantam, prapanujuć skarystacca pasłuhami inšych apierataraŭ abo admovicca ad kabielnaha telebačańnia. Zrazumieła, ludziam značna praściej pahadzicca z novymi ŭmovami MTIS, čym šukać niejki inšy varyjant, jaki, da taho ž, naŭrad ci budzie tańniej.
Praŭda, dla piensijanieraŭ jość asobnaje rašeńnie: ustalavać filtr jany mohuć sa źnižkaj i zapłacić za pasłuhu nie 288 000 rubloŭ, a tolki 15 tysiač.
«Kab skarystacca dadzienaj źnižkaj, piensijanieru nieabchodna źviarnucca ŭ Centr absłuhoŭvańnia abanientaŭ albo ŭ rajonnyja ŭčastki absłuhoŭvańnia abanientaŭ, — tłumačać u MTIS. — Pry sabie nieabchodna mieć kopiju asabovaha rachunku, aryhinał i kopiju adpaviednaha paśviedčańnia (piensijnaje) i kopii dakumientaŭ, jakija paćviardžajuć adsutnaść faktu sumiesnaha pražyvańnia pracazdolnych svajakoŭ».
Madernizacyja prachodzić u Minsku pastupova pa rajonach. Šmat chto z abanientaŭ daviedvajecca pra źmieny z abviestak, znojdzienych u paštovych skryniach, da niekatorych prychodziać ahienty, jakija prapanujuć pierazaklučyć damovu. U MTIS paćvierdzili, što z časam płanujuć pravieści madernizacyju sietak va ŭsich rajonach horada.
— My apaviaścili ŭsich našych abanientaŭ, kab jany pryniali rašeńnie — budzie 25 kanałaŭ abo 55, — tłumačać u daviedačnaj słužbie apieratara. — Vy majecie poŭnaje prava prahladać hetuju kolkaść kanałaŭ albo nie.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary