Małady mužčyna, jaki napaŭ z chałodnaj zbrojaj na nastaŭnikaŭ i vučniaŭ škoły ŭ šviedskim horadzie Trolchietan, pamior u balnicy ad ranieńnia, atrymanaha padčas zatrymańnia.
U palicyi paćvierdzili fakt jaho śmierci. Viadoma, što jamu byŭ 21 hod. Imia palicyja nie nazyvaje.
Raniej paviedamlałasia, što palicejskija adkryli ahoń pa napadniku, i jak minimum adna kula trapiła ŭ cel. Paśla hetaha zatrymanaha adpravili ŭ balnicu.
Napad na škołu dla dziaciej ad 6 da 15 hadoŭ u Trolchietanie adbyŭsia ŭ čaćvier ranicaj.
Mužčyna ŭ čornaj vopratcy i mascy, uzbrojeny padobnaj na mieč chałodnaj zbrojaj i niekalkimi nažami, pryjšoŭ u škołu, i navučency spačatku pryniali źjaŭleńnie ŭzbrojenaha čałavieka za rozyhryš.
Adnak zatym toj napaŭ na vučniaŭ i nastaŭnikaŭ, zabiŭšy adnaho vykładčyka i adnaho školnika. Jašče dva čałavieki atrymali ranieńni i špitalizavanyja.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary