Paśla taho, jak Jeŭraparłamient zaćvierdzić rehłamient ab admienie taryfaŭ na roŭminh u krainach Jeŭrapiejskaha sajuza, z 30 krasavika 2016 h taryfy pamienšacca ŭ čatyry razy, paviedamiŭ siońnia na pres-bryfinhu deputat Jeŭraparłamienta Kryšjanis Karuńš.
Jon skazaŭ, što poŭnaja admiena taryfaŭ na roŭminh ŭ ES čakajecca letam 2017 hoda.
Pa dadzienych Jeŭraparłamienta, ciapier taryf za adnu chvilinu razmovy ŭ roŭminhu składaje 0,19 jeŭra, a ŭ pierachodnym pieryjadzie taryf pamienšycca da 0,05 jeŭra. Kali zaraz adpraŭka adnaho SMS kaštuje 0,06 jeŭra, to z krasavika jana budzie kaštavać 0,02 jeŭra, a za adzin miehabit dadzienych treba budzie płacić 0,05 jeŭra zamiest ciapierašnich 0,20.
Z poŭnaj admienaj taryfaŭ mabilnyja pasłuhi ŭ roŭminhu buduć kaštavać stolki ž, jak u apieratara ŭ svajoj krainie. Kančatkovaje hałasavańnie pa admienie taryfaŭ na roŭminh adbudziecca ŭ Jeŭraparłamiencie 28 kastryčnika.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary