Rasijski śpiavak Cimaci (sapraŭdnaje imia Cimur Ildaravič Junusaŭ) staŭ viadomy na terytoryi SND padčas rasijskaha šou «Fabryka Zorak». Ciońnia ruski repier aktyvizavaŭsia jak nikoli. Za apošnija dva hady śpiavak vypuściŭ niekalki virusnych piesień, jakija nabrali miljony prahladaŭ na YouTube. Naprykład, heta pieśnia «Słyšiš, ty čio takaja dierzkaja».
Jaho virusny trek pra baradu:
Hetyja treki jość amal u kožnaha školnika na telefonie ŭ Rasii. Biełaruskija kłuby taksama nie stali vyklučeńniem.
Apošnim časam repier pačaŭ zdymać prapahandysckija roliki. Treba adznačyć, što siońnia Cimaci adzin z najlepšych siabroŭ Ramzana Kadyrava. Jany razam adpačyvajuć i zajmajucca ŭ trenažornaj zale.
Niadaŭna repier vypuściŭ klip na pieśniu «Moj najlepšy siabra heta prezident Pucin»:
Zaŭvažcie nakolki jakasna źniaty klip. Sučasnyja muzyčnyja efiekty, vialikaja masoŭka, śpiecefiekty. Paŭsiul milhaje «Łada Kalina». Prosty i zapaminalny prypieŭ. Adnym słovam zroblena ŭsio, dla taho kab «narod padpiavaŭ». A voś jahony klip «Bakłažan», u jakim uschvalajecca Łada:
I znoŭ klip źniaty pa tym ža pryncypie. Usio pryhoža, z dolaj humaru, ale vychodzić, što «Łada» — najlepšaja mašyna ŭ śviecie.
Siońnia prapahanda vyjšła na novy, infarmacyjny ŭzrovień. Kali raniej zapałochvańnie stvarała lidara, jakoha ŭsie bajalisia, to siońnia jak maha bolš hrošaj układajecca ŭ infarmacyjnyja srodki. Viadoma što padletki nie buduć šukać patajemnaha sensu ŭ hetym, ale padśviadoma buduć viedać matyvy i padpiavać.
Darečy, 20 listapada Cimaci pryjedzie ŭ Minsk z kancertam u BlackHall bary. U afišy napisana, što jon samy zapatrabavany i paśpiachovy artyst Rasii. Ci stanuć biełarusy ŭschvalać Pucina na jahonym kancercie ŭ Minsku?
***
Cimur Ildaravič Junusaŭ, bolš viadomy jak Cimaci — rasijski vykanaŭca, muzyčny pradziusar, akcior i pradprymalnik, vypusknik «Fabryki zorak 4». Zasłužany artyst Čačenskaj Respubliki (2014). Supracoŭničaŭ z takimi amierykanskimi vykanaŭcami, jak Snoop Dogg, Basta Rajms.
Kamientary