Člen kamiteta Savieta Fiederacyi pa sacyjalnaj palitycy Valancina Piatrenka, viadomaja nie stolki hramadskaj ci palityčnaj dziejnaściu, kolki niezvyčajnaj pryčoskaj, aburyłasia malunkam, jaki byŭ pryśviečany trahiedyi z rasijskim samalotam ŭ Jehipcie. Na karykatury «Šarli Ebdo» było namalavana, jak na baradataha čałavieka z aŭtamatam padajuć abłomki samalota, a taksama napisana: «Isłamskaja dziaržava: Rasija ŭzmacniła bambardziroŭki».
Sienatarka paabiacała pradstavić svaju karykaturu na francuzski časopis. 11 listapada była arhanizavana pres-kanfierencyja «#JANieŠarli. Rasijskija parłamientaryi padrychtavali svoj adkaz Charlie Hebdo», na jakoj Piatrenka prademanstravała «svoj» malunak. Praŭda, jak vyśvietliłasia, heta była ŭkrainskaja karykatura časoŭ Jeŭramajdanu. U katle, pad jakim pałajuć šyny, — Janukovič i jaho ŭrad, pobač staić aktyvist Majdanu z ukrainskim tryzubam.
Piatrenka azdobiła malunak nadpisami: «Šarli Ebdo — nie ludzi: vyradki» i «Piekła vitaje Šarli Ebdo».
Padčas pres-kanfierencyi Piatrenka paćvierdziła, što dla «adkazu» francuzskamu vydańniu abrała čužy malunak. Jana ŭdakładniła, što źjaŭlajecca aŭtaram nadpisu na karykatury, a nie samoha malunka. Sienatarka zajaviła, što karykaturu «možna brać i vykarystoŭvać», bo jana «hulaje pa internecie ŭ adkrytym dostupie». Što tyčycca źmiestu malunka, to, pa słovach Piatrenka, dla jaje hałoŭnaje, što «heta vyjava piekła».
Aŭtar karykatury, ukrainski mastak Jury Žuraviel z hetaj nahody napisaŭ u svaim Fejsbuku: «Źviartajusia da Vali Piatrenka — heta nie rabotniki Charlie Hebdo! Heta vašy vyradki. Budźcie bolš uvažlivaj nastupnym razam».
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary