Žycharam akupavanaha Kryma prapanujuć novaje imia dla dziaciej — «Hienieratar».
Z takoj inicyjatyvaj na pazačarhovaj siesii 4 śniežnia vystupiŭ kiraŭnik Dziaržsavieta Kryma Uładzimir Kanstancinaŭ, paviedamlaje Krym.Riealii.
«Dziaŭčynak nazyvajuć Śvietami. U Dziaržsaviecie paŭstała zusim aryhinalnaja prapanova —pra chłopčykaŭ zabylisia, nazyvać ich Hienieratarami. Budzie vielmi dobraje imia Hienieratar Ivanavič. Skaročana Hiera — zusim niadrenna», — skazaŭ Kanstancinaŭ.
Jon adznačyŭ, što nadzvyčajnaja situacyja ŭ Krymie «sparadziła nie tolki prablemy i pakuty, ale i žarty svajho pieryjadu».
«Ja sam čuŭ ad ludziej, kali jany razmaŭlajuć u čerhach: «Dajcie 200 vat kaŭbasy», tamu što siońnia ŭ vatach i miehavatach u Krymie raźbirajucca absalutna ŭsie», — raspavioŭ jon.
Dyziel-hienieratary ciapier u Krymie adzin z samych chadavych tavaraŭ z-za spynieńnia pastavak elektryčnaści na paŭvostraŭ z macierykovaj Ukrainy. Hienieratary ustaloŭvajuć uładalniki kramaŭ, cyrulniaŭ, roznych kantor i pryvatnych damoŭ.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary