Pra heta paviedamiła na pres-kanfierencyi 8 śniežnia namieśnik načalnika ŭpraŭleńnia sportu i turyzmu Minharvykankama Śviatłana Dziamieška.
«Na žal, apošnija dva hady zima nas nie raduje śnieham i vialikimi marazami, zalivajucca katki nie ŭ tym abjomie, jaki my płanujem», — adznačyła Dziamieška.
Pavodle jaje słoŭ, sioleta kamunalščyki hatovy zalić bolš za 70 katkoŭ u rajonach horada i kala škoł. Taksama hatovy da pracy 37 chakiejnych karobak. «Jany ŭsie pryviedzieny ŭ paradak, hatovy da pracy, i pry nastupleńni ŭstojlivych marazoŭ nižejšych za piać hradusaŭ na praciahu piaci dzion hatovy da ich zaliŭki», — paviedamiła śpiecyjalist.
Akramia taho, u horadzie buduć hatovy da vykarystańnia 16 łyžnych tras, u tym liku na bazie łyžarolernych, na jakija ŭ vypadku adsutnaści śniehu budzie nasypacca štučnaje pakryćcio. Taksama buduć hatovy i trasy ŭ Soniečnaj dalinie.
«U pryncypie horad hatovy da zimovych spartyŭnych zabaŭ, spadziajemsia, što nadvorje dazvolić uziać u ich udzieł, chacia zhodna z prahnozami da siaredziny studzienia sinoptyki marazoŭ nie abiacajuć», — skazała Dziamieška.
Jana paviedamiła taksama, što 19 śniežnia adbudziecca tradycyjny turnir pa chakiei na pryzy prezidenckaha spartyŭnaha kłuba, a 4—7 studzienia — Kaladny turnir pa chakiei na pryzy prezidenta Biełarusi. U im płanujuć uziać udzieł kamandy sa Słavakii, Finlandyi, Šviejcaryi, Hiermanii, Šviecyi, Rasii, AAE i Biełarusi. 9—10 studzienia na «Minsk-Arenie» adbuducca mižnarodnyja spabornictvy pa kańkabiežnym sporcie, zajaŭki ŭžo padali 55 udzielnikaŭ z 22 krain.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary