Ministr adukacyi: Z udzielnikami studenckich akcyj pratestu, mahčyma, treba być «bolš ahresiŭnymi»
Inicyjatary studenckich pratestaŭ «karystajucca našaj intelihientnaściu, našym spakojnym reahavańniem na roznyja vypady», zajaviŭ ministr adukacyi Michaił Žuraŭkoŭ 14 śniežnia ŭ Pałacie pradstaŭnikoŭ na sustrečy členaŭ maładziožnaha savieta pry ministerstvie.
«Moža, nam treba być bolš ahresiŭnymi», — skazaŭ ministr, kamientujučy akcyju studentaŭ BDU suprać uviadzieńnia ŭ VNU płatnych pierazdač, jakaja prajšła 2 śniežnia ŭ Minsku.
«Pytańni maładziožnaj palityki vielmi važnyja, — padkreśliŭ jon. — Apošnim časam idzie heta niespakojnaja abstanoŭka ŭsiudy ŭ śviecie, i ŭ nas u krainie, na žal, heta adbivajecca. Heta havoryć ab tym, što treba nadavać bolš uvahi maładziožnamu asiarodździu nie tolki mierapryjemstvami kulturna-zabaŭlalnaha płana, pryśviečanymi bytavym prablemam, ale i niezvyčajna važnyja ciapier pytańni, źviazanyja z palitykaj, sacyjalnaj śfieraj, u tym liku pracaj u internecie».
«Hety ruch niezrazumieły, jaki nibyta nazyvajecca «Studenty suprać», ale tam studentaŭ faktyčna niama. Voś jak na jaho reahavać i što nam rabić, dumaju, taksama varta padumać ab hetaj prablemie», — zajaviŭ Žuraŭkoŭ.
Na jaho dumku, u maładziožnym asiarodździ, u tym liku studenckim, dastatkova raźvitaja sacyjalnaja infantylnaść. «Heta značyć vy mianie nie kranajcie, niachaj chtości inšy robić, ale kali mnie štości treba, ja budu patrabavać: vy mnie dajcie, vy mianie zabiaśpiečcie, ja jašče krytykuju, ja jašče i vykažu ŭ chamskaj formie. Taksama treba niejak na heta reahavać», — skazaŭ ministr.
Varta adznačyć, što pierad pačatkam pasiadžeńnia Žuraŭkoŭ adkazaŭ admovaj na prośbu žurnalistaŭ prakamientavać studenckija akcyi pratestu, ale zakranuŭ hetu temu padčas vystupleńnia.
-
Lizavietu Prakopčyk prahnazavana abrali vice-śpikierkaj Kaardynacyjnaj rady
-
Amal 10 hadoŭ tamu ŭ Biełarusi hrymieła «sprava siamnaccaci». Jak dalej skłaŭsia los jaje fihurantaŭ-siłavikoŭ?
-
«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary