«U Jehipiet ź dziećmi daražej źjeździć». Bresckaja błohierka vyrašyła pavialičyć hrudzi, pakul čakaje muža z kałonii
Błohierka z Bresta raspaviała, kolki kaštuje apieracyja pa pavieličeńni hrudziej u jaje horadzie.
Volha Kraŭčuk kaža, što zarablaje na svaich błohach u instahramie i tyktoku. U instahramie na jaje padpisana bolš za 51 tysiaču čałaviek, u tyktoku — kala 28 tysiač. Žančyna sprabavała paŭdzielničać u praŭładnym šoŭ «Fabryka błohieraŭ», ale nie prajšła kastynh.
Značnaja častka kantentu Volhi pryśviečana mužu, jakoha jana čakaje z kałonii. Tamu prysudzili try z pałovaj hady źniavoleńnia. Detali kryminalnaj spravy błohierka nie choča ahučvać padpisčykam. Najchutčej, jon siadzić za atrymańnie chabaru.
Čakajučy muža, Volha vyrašyła zrabić apieracyju, kab pavialičyć hrudzi. Jana raśpiavała, što maryła pra heta šmat hadoŭ, ale była ŭpeŭniena, što apieracyja kaštuje kaśmičnych hrošaj. Ale ciapier kaža: kali b viedała realnyja ceny ŭ Biełarusi, daŭno b užo zrabiła.
Volha samastojna nabyvała erhanamičnyja impłanty — jany abyšlisia prykładna ŭ 4550 rubloŭ (darečy, harantyja na ich dziesiać hadoŭ). Taksama spatrebiŭsia śpiecyjalny top, jaki nieabchodna nasić paśla apieracyi. Jon kaštavaŭ kala 325 rubloŭ.
Sama apieracyja ŭ pryvatnym miedycynskim centry ŭ Breście kaštavała 4388 rubloŭ. Ale Volha papiaredžvaje, što heta tamu, što zapisvałasia jana jašče letaś. Sioleta košt užo padros da 6300 rubloŭ.
Pa padlikach błohierki, u vyniku novyja hrudzi abyšlisia joj u 9616 rubloŭ — ci 3163 dalary. Jana žartuje, što na adpačynak ź dźviuma dočkami ŭ Jehipcie patraciła bolš.
— Ja dumała, što hrudzi — heta vielmi doraha, kštałtu 10 tysiač dalaraŭ. Ale kali daviedałasia, jakija ŭ Biełarusi ceny, ašaleła, jak dastupna. Tamu, chto z druhich krain, pryjazdžajcie da nas rabić.
Kab usio padrabiazna raspavieści padpisčykam, Volha staranna zdymała videa — navat kali joj užo pačali davać narkoz.
Paśla apieracyi błohiercy treba było pravieści pad nahladam daktaroŭ noč. Volha raspaviadaje, što pieršy čas było adčuvańnie, byccam hrudzi poŭnyja kamianioŭ. A na druhi dzień było nastolki baluča, što błohierka škadavała, što vyrašyła lehčy pad nož chirurha.
Spać vyklučna na śpinie akazałasia składana. Plus vyśvietliłasia, što niaprosta rabić navat samyja elemientarnyja rečy — takija, jak nacisnuć knopku zmyvu na ŭnitazie ci adčynić dźviery ŭ padjezd.
Ale na piaty dzień Volha pačała adčuvać siabie našmat lepš i ŭžo całkam usim zadavolena.
Biełaruska stvaryła instahram-realici. Paśpiachova idzie ŭžo piaty siezon
Maładaja maci z Mahilova pakazała, jak biaspłatna vynosić darahuju kaśmietyku z kram
Minskaj błohiercy nie chapaje na pieršy ŭznos za mašynu. Jana pradaje lubimyja strynhi za tysiaču jeŭra
Biełaruskaj błohiercy admovilisia pradavać remień «Łui Viton». Jana aburanaja
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary