U 2015 hodzie Ukraina straciła hruzapatok biełaruskaj nafty pa čyhuncy z-za čałaviečaha faktaru ŭ «Ukrzaliznycy».
Pra heta ŭ intervju «Ukrainskim navinam» zajaviŭ ministr infrastruktury Ukrainy Andrej Pivavarski.
«My stracili sioleta hruzapatok biełaruskaj nafty pa čyhuncy praz čałaviečy faktar va «Ukrzaliznycy». Nie dali svoječasova źnižki na tranzit dla hruzaadpraŭnika i nafta syšła na Bałtyku», — udakładniŭ Pivavarski.
Pavodle jaho, Ukraina straciła hruz nie tolki na čyhuncy, ale i ŭ porcie, bo pieravałka idzie praz čyhunku ŭ marski port Adesa, h.zn. stračany i prybytak porta.
«Heta, paŭtarusia, byŭ vyklučna čałaviečy faktar — chtości va «Ukrzaliznycy» vyrašyŭ, što hetaja źnižka biełarusam nie vielmi cikavaja i my stracili 2 młn ton hruzu. A voś Prybałtyka z zadavalnieńniem zabrała jaho sabie», — udakładniŭ jon.
Na dumku Pivavarskaha, u 2016 hodzie biełarusy majuć viarnucca.
«My ciapier stali vielmi hnutkimi ŭ płanie taryfaŭtvareńnia, dla taho, kab viarnuć tranzitnyja patoki. Plus my davoli aktyŭna zaraz viadziem pieramovy z kazachami, kab viarnuć častku hruzaŭ, jakija pa čyhuncy pieraaryjentavalisia na Rasiju, Biełaruś i dalej u Jeŭropu. Vielmi aktyŭna viadziem abmierkavańnie z našymi susiedziami pa Čarnamorska-Kaśpijskamu basiejnu, kab zapuścić kambinavanyja pieravozki čyhunkaj i marskim transpartam», — padsumavaŭ ministr.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary