Śledčy kamitet Biełarusi praciahvaje rasśledavańnie pa spravie eks-hienieralnaha mieniedžara minskaha «Dynama» Uładzimira Bieražkova, padazravanaha pa artykule 210 (častka 3) Kryminalnaha kodeksa Respubliki Biełaruś «Kradziež šlacham złoŭžyvańnia słužbovymi paŭnamoctvami».
13 śniežnia skončylisia čatyry miesiacy z dnia zatrymańnia. Na zapyt ab biahučym statusie spravy pres-słužba Śledčaha kamiteta adkazała koratka: «Śledstva praciahvajecca».
Jak stała viadoma Tribuna.com, termin papiaredniaha śledstva pa spravie Bieražkova padoŭžany da 13 studzienia. Nahadajem, raniej termin užo pradaŭžaŭsia na dva miesiacy.
Zhodna z art. 191 Kryminalna-pracesualnaha kodeksa RB, termin papiaredniaha śledstva moža być pradoŭžany da paŭhoda rašeńniami načalnikaŭ śledčych padraździaleńniaŭ. Na termin zvyš paŭhoda termin papiaredniaha śledstva moža pavialičvacca ŭ vyklučnych vypadkach z sankcyi Hienieralnaha prakurora Respubliki Biełaruś, Staršyni Śledčaha kamiteta Respubliki Biełaruś, Staršyni Kamiteta dziaržaŭnaj biaśpieki Respubliki Biełaruś abo ich namieśnikaŭ.
Nahadajem, što Uładzimir Bieražkoŭ byŭ zatrymany ŭ siaredzinie žniŭnia pa padazreńni ŭ kradziažy nie mienš jak adnaho miljarda biełaruskich rubloŭ. Praz dva tydni SK sabraŭ pres-kanfierencyju, dzie zajaviŭ, što zatrymany pryznaŭsia ŭ zroblenym i hatovy padać prašeńnie ab pamiłavańni. Paźniej svajaki i advakat Bieražkova abvierhli hetuju infarmacyju, zajaviŭšy, što ni pra jakoje prašeńnie havorka nie idzie i vinu jon nie pryznaje.
U kastryčniku hulcy minskaha «Dynama» sabrali podpisy ŭ padtrymku Uładzimira Bieražkova i adpravili list na imia prezidenta Biełarusi.
Śledčy kamitet sa žniŭnia nijakich kamientaroŭ pa spravie Bieražkova nie davaŭ, adznačajučy, što jak tolki źjavicca važnaja infarmacyja, jana budzie apublikavanaja na aficyjnym sajcie SK.
Raniej byŭ pradoŭžany termin papiaredniaha śledstva pa spravie eks-hienieralnaha dyrektara minskaha «Dynama» Maksima Subotkina.
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary