Prezident Rasii Uładzimir Pucin padpisaŭ zakon, jaki admianiaje praktyčna ŭsie štrafy za parušeńnie dalnabojščykami praviłaŭ apłaty prajezdu pa fiederalnych trasach. Adnak hety zakon nie mianiaje samu płatu dla vielikahruzaŭ, suprać čaho i pratestujuć kiroŭcy furaŭ.
Dakumient apublikavany na partale pravavoj infarmacyi Rasijskaj Fiederacyi.
Zhodna z zakonam, kiroŭcam furaŭ pryjdziecca płacić štrafy tolki ŭ tym vypadku, kali ŭładalnik hruzavika znachodzicca za miažoj.
Pry hetym suma vypłaty ciapier budzie składać 5000 rubloŭ (kala 70 dalaraŭ), u toj čas jak raniej ŭłaśniki-jurydyčnyja asoby pavinny byli płacić štraf u pamiery 450 tysiač rubloŭ (6 430 dalaraŭ).
Štrafy za paŭtornaje parušeńnie zakona źnižany z 1 młn da 10 tysiač rasijskich rubloŭ.
Padstavaj dla hetaha zakona stali masavyja pratesty kiroŭcaŭ vialikahruznych aŭtamabilaŭ suprać ŭviadzieńnia z 15 listapada płaty za prajezd pa fiederalnych trasach, jakuju źbirajuć z dapamohaj sistemy «Płaton».
Da 29 lutaha 2016 uklučna pamier płaty składaje 1,53 rasijskaha rubla (kala 413 biełaruskich) na adzin kiłamietr šlachu. Z 1 sakavika 2016 h. da 31 śniežnia 2018 h uklučna płata składzie 3,06 rubla na kiłamietr.
Za dva tydni pracy sistema «Płaton» sabrała kala 550 młn rasijskich rubloŭ.
Pratesty dalnabojščykaŭ suprać ŭviadzieńnia hetaj sistemy praciahvajucca ŭžo niekalki tydniaŭ.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary