Lidary kanhresa ZŠA damovilisia ab biudžetnym płanie, pavodle jakoha dziejučaja 40 hadoŭ zabarona na ekspart nafty z krainy budzie źniataja, a ŭrad zmoža i dalej atrymlivać finansavańnie, piša Bloomberg sa spasyłkaj na śpikiera pałaty pradstaŭnikoŭ ZŠA Poła Rajana.
Havorka idzie pra płan finansavańnia ŭrada ZŠA na 2016 hod. Hałasavańnie pa im projdzie ŭ Pałacie pradstaŭnikoŭ u čaćvier.
Mnohija kanhresmieny pałaty pradstaŭnikoŭ hatovyja padtrymać Rajana i ličać, što jon pryvioŭ «pierakanaŭčyja dovady».
«U nas najlepšyja technałohii, najlepšaja nafta, z časam my vycieśnim rasiejskuju naftu, my vycieśnim saŭdzitaŭ, irancaŭ, — zajaviŭ kanhresmien-respublikaniec ad štata Techas Džo Bartan u intervju Bloomberg. — ZŠA stanuć rulavym enierhietyčnaj palityki va ŭsim śviecie. Heta vielizarnaja pieramoha».
Respublikancy nieadnarazova prapanoŭvali skasavać zabaronu na ekspart syroj nafty, adnak ich inicyjatyva nie znachodziła padtrymki ŭ sienata i Biełaha doma. Kali pałata pradstaŭnikoŭ kanhresa, sienat i prezident ZŠA Barak Abama ŭchvalać zakonaprajekt, to respublikancy, u svaju čarhu, pavinny buduć pajści na sastupki demakratam, jakija patrabujuć padtrymki prajektaŭ u vobłaści «zialonaj enierhietyki».
Sienatar-demakrat ad štata Arehon Džef Mierkli pry hetym zajaviŭ, što skasavańnie embarha źjaŭlajecca «vielizarnaj pamyłkaj», jakaja abiacaje «raptoŭny kuš vialikaj nafty» za košt amierykanskich rabočych i na škodu płaniecie.
Zakanadaŭčaja zabarona na ekspart amierykanskaj nafty dziejničaje z 1975 hoda. Pry hetym u minułym hodzie ministerstva handlu pačało dazvalać kampanijam ekspartavać słancavuju naftu paśla minimalnaj apracoŭki, a ŭ žniŭni paviedamiła, što pačnie dazvalać kampanijam abmieńvacca naftaj ź Mieksikaj. ZŠA taksama ŭžo ekspartujuć niekalki miljonaŭ baralaŭ nafty ŭ dzień u Kanadu.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary