Mytnia patłumačyła, čamu pasłuhi za «razmytnioŭku» padaraželi ŭ piać razoŭ
Z 19 śniežnia zbor mytni za ździajśnieńnie mytnych apieracyj u dačynieńni da transpartnych srodkaŭ dla asabistaha karystańnia pavialičany ŭ piać razoŭ — z 10 da 50 jeŭra.
Heta rehłamientavana ŭkazam prezidenta №496 ad 17 śniežnia. Dakumient unios źmieny va ŭkaz № 443 «Ab mytnych zborach» ad 13 lipienia 2006 hoda.
Jak tłumačać u mytni, novyja staŭki byli zaćvierdžany dla raŭnavańnia vieličyni zboru, jaki spahaniajecca ź fizičnych i jurydyčnych asob, a taksama IP: raniej jurydyčnyja asoby i ipešniki płacili 50 jeŭra za kožnuju «rastamožku», a «fiziki» — usiaho 10.
— Razam z tym dziejańni mytnych orhanaŭ pry mytnaj ačystcy transpartnych srodkaŭ u pieršym i druhim vypadku anałahičnyja adzin adnamu, — tłumačać u DMK. — Časovyja zatraty na praviadzieńnie mytnaha kantrolu, vykarystańnie infarmacyjnych sistem i nastupnaje supravadžeńnie dadzienych taksama praktyčna adnolkavyja.
U kamitecie padkreślivajuć: staŭki tolki ŭstanoŭleny ŭ jeŭra, płacić ich, jak i raniej, hramadzianie pavinny ŭ biełaruskich rublach pa kursie Nacbanka na dzień mytnaha dekłaravańnia.
Nahadvajem, što mytny zbor, pra jaki idzie havorka, - heta, kažučy prostaj movaj, płata za pasłuhi pa «razmytnioŭcy» vašaha aŭtamabila.
U staŭkach samoj «rastamožki» ničoha nie źmianiłasia: u što jana abydziecca achvotnamu pryhnać aŭtamabil z-za miežaŭ Jeŭrazijskaha ekanamičnaha sajuza — ličycie tut.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary