U Twitter-y vajna skarhaŭ, pad ban trapiŭ @belamova

U sieradu, 30 śniežnia papularnaja sacsietka Twitter paviedamiła pra abnaŭleńnie praviłaŭ servisu, skiravanych suprać abrazaŭ.

«Abnoŭlenyja praviły padkreślivajuć, što Twitter nia budzie mirycca z pavodzinami, skiravanymi na abrazu, zastrašvańnie albo zapałochvańnie, kab prymusić zamaŭčać inšaha karystalnika. Jak zaŭsiody, my prymajem i zaachvočvajem roznyja mierkavańni i pierakanańni. Ale my budziem praciahvać prymać zachady pa akaŭntach, jakija pierasiakajuć miažu ŭ złoŭžyvańni», — havorycca ŭ błohu kampanii.

Uviadzieńnie novych praviłaŭ pryviało da blakavańnia mnohich ukrainskich, praŭkrainskich i antypucinskich akaŭntaŭ, ab maštabach možna mierkavać pa aktyŭnaści pa cheštehu #stopdiscriminationofukraineontwi («spynicie dyskryminacyju Ŭkrainy ŭ Tvitery»). Jak vyjaviłasia, novym praviłam supiarečać nia tolki lubyja pahrozy inšym ludziam ci hrupie ludziej, ale i tvity, u jakich možna ŭhledzieć choć samuju pryvidnuju pahrozu.

Pad blakavańnie traplajuć tyja, chto tak ci inačaj abražaje ludziej za ich vieravyznańnie, seksualnuju aryjentacyju, koler skury ci ŭzrost. Ale padobna, što systema maje «dziry», što dazvalajuć blakavać praktyčna luby akaŭnt.

«Mierkavana, heta ažyćciaŭlajecca ŭ vyniku masavych skarhaŭ na tvity, jakija parušajuć praviły Twitter, — piša na Facebook pra blakavańnie praŭkrainskich akaŭntaŭ ukrainski błohier Kiryła Michajłaŭ. — Praces pošuku tvitaŭ, jakija parušajuć praviły, i adpraŭki skarhaŭ adbyvajecca ŭ aŭtamatyčnym režymie, z vykarystańniem botaŭ».

Michajłaŭ tłumačyć: kali pieršy raz Twitter zablakavaŭ jaho, jamu daviałosia vydalić niekalki tvitaŭ, u jakich niechta pabačyŭ parušeńnie praviłaŭ. U tvitach jon vykazvaŭ pažadańni śmierci «prakramloŭskim trolam, jakija chłusili rodzičam zahinułych na borcie MH17 aŭstralijcam pra pryčyny pahibieli lajnera», ale śćviardžaje, što ŭ tvitach nie vykazvaŭsia pramy namier ci zaklik nanieści škodu inšym ludziam. Ale paśla vydaleńnia i razblakiroŭki jon znoŭ trapiŭ pad blakiroŭku, nie paśpieŭšy napisać ničoha novaha — imavierna, za inšyja staryja tvity.

Jon bačyć prablemu ŭ tym, što skarhi na «abraźlivyja» tvity mohuć dasyłacca aŭtamatyčna vialikaj kolkaściu botaŭ i nie filtravacca — servis nie vystaŭlaje pravierku na toje, čałaviek ci robat šle skarhu (nie prapanuje ŭvieści kod z karcinki, «kapču»).

Razam z ukrainskimi akaŭntami pad časovyja blakavańni z patrabavańniem vydaleńnia tvitaŭ trapili i niekatoryja biełarusy, u liku jakich papularny błohier @belamova, choć toj, jak jon raspavioŭ Svabodzie, pačuŭšy pra novyja praviły, tut ža vydaliŭ amal usie tvity

• 0
• 0
• 0
• 0
• 0
• 0
• 0
• 0