List z prośbaj pradstavić mahčymaść vykazacca ŭ «Kłubie redaktaraŭ» padpisali hałoŭny redaktar TUT.BY Maryna Zołatava, šef-redaktar «Našaj Nivy» Andrej Dyńko, šef-redaktar «Narodnaj Voli» Śviatłana Kalinkina, hałoŭny redaktar internet-haziety «Salidarnaść» Alaksandr Starykievič i staršynia HA «BAŽ» Andrej Bastuniec.
U liście pradstaŭniki ŚMI źviartajuć uvahu na toje, što ŭ efiry ad 7 lutaha žurnalistaŭ niedziaržaŭnych vydańniaŭ nieadnarazova zhadvali ŭ admoŭnym śviatle z vykarystańniem miechanizmaŭ ahresiŭnaj prapahandy najhoršaha kštałtu: padzialeńnie na «svaich» i «čužych», naviešvańnie jarłykoŭ, ahulnaje prynižeńnie «tych, chto nie padtrymlivaje dziaržaŭnuju pazicyju» i h.d.
Razam z tym, u pieradačy hałoŭny redaktar haziety «SB.Biełaruś Siehodnia» Pavieł Jakubovič zaklikaŭ dla abmierkavańnia pytańniaŭ svabody słova z udziełam usich zacikaŭlenych u hetym bakoŭ: pradstaŭnikoŭ BAŽ i BSŽ, žurnalistaŭ dziaržaŭnych i niedziaržaŭnych miedyjaŭ, dziaržaŭnych słužboŭcaŭ.
«My hatovyja da dyjałohu, da publičnaha dyjałohu, ale ci hatovyja da hetaha Vy? Kali tak, to my hatovyja pryniać udzieł u «Kłubie redaktaraŭ», kab vykazać svoj punkt hledžańnia, jak pa kankretnych pytańniach, jakija abmiarkoŭvalisia ciaham apošnich dvuch vypuskaŭ, tak i nakont roli i miesca ŚMI ŭ sučasnym hramadstvie», – havorycca ŭ zvarocie.
Zvarot na adras Hienadzia Davydźki nakiravany ŭ Biełteleradyjokampaniju zakaznym listom.
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie10
Kamientary