U Vilejcy na vulicy Vałynca kala meblevaj fabryki ranicaj 2 červienia pasažyrski aŭtobus «trojka» paškodziŭ try lehkavyja aŭtamabili, jakija byli pryparkavanyja na abočynie.
Načalnik adździaleńnia Dziaržaŭtainśpiekcyi Vilejskaha RAUS Hienadź Siaśkoŭ raspavioŭ Kraj.by:
— DTZ adbyłosia 2 červienia kala 07:10. Haradski aŭtobus z pasažyrami na vulicy Vałynca nasuprać doma № 9 źjechaŭ z prajeznaj častki na abočynu i najechaŭ na try lehkavyja aŭtamabili, jakija byli pryparkavanyja — «Opiel Zafira», «Džyli» i «Škoda Fabija». Tam niedaloka meblevaja fabryka. Dźvie inšamarki naležać rabotnikam fabryki, adna — rabotniku pradpryjemstva DEU-63, jakoje taksama pobač. Kiroŭca aŭtobusa sam nie moža patłumačyć, čamu heta zdaryłasia.
Pavodle słoŭ Hienadzia Siaśkova, u lehkavikach na momant najezdu nikoha nie było — usie byli na pracy, tamu nichto nie paciarpieŭ. Kiroŭca aŭtobusa i pasažyry, što jechali ŭ «trojcy», taksama nie paciarpieli. Miechaničnyja paškodžańni atrymali aŭtobus i lehkavyja aŭtamabili.
Kamientary