president.gov.by
«Adsutnaść jakoha-niebudź niedastatkovaha razumieńnia, niedavieru va ŭzajemadziejańni našych krain na mižnarodnaj arenie jak nielha lepš demanstruje biełaruska-rasijskaje adzinstva i stratehičnaje partniorstva ŭ hety niaprosty čas», — zajaviŭ Alaksandr Łukašenka 25 lutaha ŭ Minsku pa vynikach pasiadžeńnia Vyšejšaha dziaržsavieta Sajuznaj dziaržavy.
«My abmierkavali taksama vyniki vykanańnia prahramy ŭzhodnienych dziejańniaŭ u halinie źniešniaj palityki i namiecili asnoŭnyja rysy i napramki našych dziejańniaŭ da 2017 hoda ŭ śfiery hetaj ža źniešniaj palityki, — pryvodzić słovy Łukašenki pres-słužba Kramla. — My nadali ŭvahu pytańniam mižnarodnaj i rehijanalnaj biaśpieki. Bolš za toje, my vypracavali vyrazny płan dziejańniaŭ našaj rehijanalnaj hrupoŭki vojskaŭ Biełarusi i Rasii. Jany adpaviadajuć sučasnym standartam».
Na dumku biełaruskaha kiraŭnika, pasiadžeńnie VDS u čarhovy raz paćvierdziła «vyklučnuju značnaść» sajuznaha paradku dnia. «Čas, historyja ŭsio rasstaŭlajuć na svaje miescy, i my jašče macniej uśviedamlajem viečnuju kaštoŭnaść biełaruska-rasijskaha siabroŭstva», — skazaŭ Łukašenka.
«Hałoŭnym pytańniem» jon nazvaŭ vyniki handlova-ekanamičnaha supracoŭnictva dźviuch krain za 2015 hod. «Tak, sapraŭdy, my znachodzimsia pad upłyvam źniešnich pahroz našym ekanomikam. Pra pryčyny tut niama sensu kazać, jany ŭsie viadomyja. Ale my pryjšli da adzinaha razumieńnia, što siońnia pavinny sumiesna ŭ jašče bolš ščylnaj uviazcy nadavać jak maha bolš uvahi pytańniam ekanomiki i prykładać maksimum namahańniaŭ dla naroščvańnia ŭzajemnaha tavaraabarotu, umacavańnia našych kaapieracyjnych suviaziaŭ, farmiravańnia adzinaj pramysłovaj palityki, likvidacyi barjeraŭ, vyklučeńniaŭ na adzinym rynku», — zajaviŭ aficyjny lidar.
Jon zaznačyŭ, što biudžet Sajuznaj dziaržavy na 2016 hod zaćvierdžany ŭ pamiery bolš za 6 młrd. rasijskich rubloŭ (kala 78 młn dalaraŭ). «Značnaja častka hetych srodkaŭ pojdzie na sajuznyja prahramy, na tyja mierapryjemstvy, jakija dla nas źjaŭlajucca klučavymi», — paviedamiŭ Łukašenka.
Biełaruski kiraŭnik vykazaŭ nadzieju, što dasiahnutyja na vyšejšym uzroŭni damoŭlenaści dazvolać «dynamična naroščvać» supracoŭnictva, a taksama «pieraadolvać lubyja supiarečnaści i roznahałośsi pa-partniorsku, u duchu sapraŭdnych sajuźnickich adnosin, jak heta i naležyć u Sajuznaj dziaržavie».
U hutarcy z žurnalistami pa vynikach samitu dziaržsakratar SD Ryhor Rapota paviedamiŭ, što pytańnie vydzialeńnia Maskvoj finansavaj dapamohi Minsku na paradku dnia nie stajała, ale mahło abmiarkoŭvacca ŭ kułuarach.
Kamientary