SK paćvierdziŭ fakt rasśledavańnia kryminalnaj spravy za raźmiaščeńnie publikacyj na sajcie 1863x.com
U Śledčym kamitecie Biełarusi paćvierdzili najaŭnaść kryminalnaj spravy pa fakcie raźmiaščeńnia publikacyj na sajcie 1863x.com.
Jak paviedamiła BiełaPAN aficyjny pradstaŭnik SK Julija Hančarova, Śledčym kamitetam raspačata i rasśledujecca kryminalnaja sprava pa č. 1 art. 130 (raspalvańnie rasavaj, nacyjanalnaj abo relihijnaj varožaści abo roźni) i č. 2 art. 343 (raspaŭsiudžvańnie parnahrafičnych materyjałaŭ) KK Biełarusi.
Nahadajem, u kancy studzienia hetaha hoda źjaviłasia infarmacyja ab tym, što ananimny stvaralnik sajta 1863x.com, viadomy pad nikam Džon Silvier (Jhon Silver), zatrymany ŭ adnym z haradoŭ Rasii. Hramadski aktyvist Pavieł Juchnievič, asabista ź im znajomy, paviedamiŭ, što pra zatrymańnie Džona Silviera jon daviedaŭsia ad jaho žonki, jakoj zatrymany paśpieŭ patelefanavać. «Jon zatrymany dzieści na terytoryi Rasii i čakaje ekstradycyi ŭ Biełaruś. Pakul hetuju infarmacyja (pra toje, u jakim kankretna horadzie byŭ zatrymany) nazvać nie možam dla jaho ža biaśpieki», - raspavioŭ Juchnievič.
1 sakavika Pavieł Juchnievič paviedamiŭ BiełaPAN, što Džon Silvier ŭsio jašče znachodzicca ŭ Rasii.
«Pakul novaj infarmacyi niama, — skazaŭ Juchnievič. — Nakolki ja razumieju, ź biełaruskaha boku ŭsie pracedurnyja pytańni vykanany. Zastalisia tolki dziejańni rasijskaha boku. Jon pakul nie ekstradavany, sustrakaŭsia z advakatam tam, adčuvaje siabie narmalna».
Juchnievič taksama ŭdakładniŭ, što Džon Silvier paprasiŭ nie paviedamlać, dzie kankretna jon znachodzicca.
Za što byŭ zatrymany stvaralnik sajta i navošta jon pajechaŭ u Rasieju, pa-raniejšamu nieviadoma. Pa najaŭnaj infarmacyi, MUS Biełarusi abviaściła jaho ŭ vyšuk za parušeńnie padpiski ab niavyjeździe.
Ciapier čytajuć
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»6
Kamientary