Ustupnyja ispyty ŭ 5-ja kłasy himnazij projduć 2—10 červienia

Pryjom na konkursnaj asnovie ŭ 5-ja kłasy himnazij, himnazij-internataŭ, hinazij — kaledžaŭ mastactvaŭ projdzie z 2 pa 10 červienia, paviedamiła pres-sakratar Ministerstva adukacyi Biełarusi Julija Baradun.

Kantrolnyja ličby pryjomu buduć zaćvierdžany da 10 krasavika. Dla dziaciej, jakija chočuć pastupić u himnazii, himnazii-internaty, buduć praviedzieny try ŭstupnyja ispyty: pa biełaruskaj i ruskaj movach i matematycy. A žadajučyja pastupić u himnazii — kaledžy mastactvaŭ taksama prachodziać pravierku zdolnaściej u halinie asobnych vidaŭ mastactva.

Ustupnyja ispyty pa ruskaj movie projduć 2 červienia (dyktant), matematycy — 4 červienia (kantrolnaja rabota), biełaruskaj movie — 7 červienia (dyktant). 9 červienia adbudziecca pravierka zdolnaściej pa asobnych vidach mastactva: u halinie muzyčna-charavoha i muzyčna-instrumientalnaha mastactva — pytańni pa salfiedžya i ihra na muzyčnym instrumiencie; u halinie vyjaŭlenčaha mastactva — malunak, žyvapis, kampazicyja; u halinie teatralnaha mastactva — vykanańnie vieršavanaha tvora, eciuda na vyznačanuju temu, tanca; u halinie chareahrafičnaha mastactva — vykanańnie kłasičnaha i narodnaha tancaŭ. Pačatak usich ispytaŭ — u 11.00. Reziervovy dzień dla tych, chto pa ŭvažlivych pryčynach nie zmoh źjavicca na ŭstupnyja ispyty, — 10 červienia.

Teksty i zadańni dla ŭstupnych ispytaŭ, u tym liku ŭ reziervovy dzień, buduć abjaŭleny pa telebačańni i radyjo. Pravierka i aceńvańnie piśmovych rabot vučniaŭ pa biełaruskaj i ruskaj movach ažyćciaŭlajucca ŭ adpaviednaści z Normami acenki vynikaŭ vučebnaj dziejnaści vučniaŭ ahulnaadukacyjnych ustanoŭ pa vučebnych pradmietach (dakumient raźmieščany na partale edu.gov.by). «U suviazi z tym što metaj praviadzieńnia ispytaŭ pry pastuplenni ŭ piatyja kłasy himnazij źjaŭlajecca vyjaŭleńnie najbolš padrychtavanych vučniaŭ, zborniki zadańniaŭ pa vučebnym pradmiecie «Matematyka» składajucca z kantrolnych rabot z treciaha pa piaty ŭzrovień składanaści. Kantrolnyja raboty aceńvajucca pa adzinych kryteryjach va ŭsich himnazijach», — adznačyła Julija Vanina.

Pry pryjomie ŭ himnazii, himnazii-internaty, himnazii — kaledžy mastactvaŭ uličvajucca jak vyniki ŭstupnych ispytaŭ pa vučebnych pradmietach, tak i hadavyja adznaki pa ich. Pry adnolkavaj kolkaści bałaŭ (suma bałaŭ pa vynikach ustupnych ispytaŭ i hadavych adznak) pieravažnaje prava na zaličeńnie ŭ himnazii, himnazii-internaty majuć vučni z bolš vysokim siarednim bałam hadavych adznak za 4-y kłas, a ŭ himnazii-kaledžy mastactvaŭ — asoby z bolš vysokim uzroŭniem zdolnaściej u halinie asobnych vidaŭ mastactva.

Kali dzicia nie pastupić u himnaziju, himnaziju—kaledž mastactvaŭ, dzie atrymała pačatkovuju adukacyju, jano moža praciahnuć navučańnie va ŭstanovie adukacyi pa miescy žycharstva abo ŭ inšaj ustanovie adukacyi, jakaja realizuje adukacyjnuju prahramu bazavaj adukacyi, siaredniaj adukacyi, u metach zabieśpiačeńnia pradaŭžeńnia vyvučeńnia toj zamiežnaj movy, jakuju jano vyvučała ŭ 3-4-m kłasach.

• 0
• 0
• 0
• 0
• 0
• 0
• 0
• 0