Biełaruski aŭtarynak, jak i rynak nieruchomaści, zastajecca ŭ hłybokim kryzisie. Kupieckaja zdolnaść u nasielnictva rezka pajšła ŭniz, tamu i prodažy pamienšali.
Padziei minułych hadoŭ, kali biełarusy masava skuplali novyja aŭto ŭ rasijskich sałonach, abvalili ceny i ŭ Biełarusi. Dylery byli vymušanyja źnižać svaju nadbaŭku, kab pryvabić patencyjnych kupcoŭ.
Ale dla spažyŭca tendencyi na aŭtarynku tolki ŭ radaść. Novyja mašyny ŭ sałonach za $5—7 tysiač — heta realnaść. «Naša Niva» adabrała 7 samych tannych prapanovaŭ.
1. ZAZ Chance — $4950
Samaje tannaje aŭto ad zaparožskich vytvorcaŭ — heta pierapracavany karejski «Šeŭrale Łanas». Ruchavik abjomam 1,3 ł i mahutnaściu 86 k.s. naŭrad ci dazvolić paŭdzielničać u honkach, ale dla pajezdak na lecišča hetaha budzie dastatkova. U kamplekcie iduć kandycyjanier i piarednija škłopadjomniki. A voś paduški biaśpieki niama navat dla kiroŭcy.
Najtańniej kaštuje siedan, a za chetčbiek daviadziecca dapłacić $250.
2. Deu Maciz — $6100
Karejski «Maciz» staŭ simvałam dastupnaha aŭto. Doŭhi čas mašyna była siarod lidaraŭ pa prodažach u Biełarusi.
U minimalnaj kamplektacyi niama navat hidraŭzmacnialnika styrna i mahnitoły. Hałoŭnaja pieravaha ŭźbiekskaha chietčbeka z ruchavikom 0,8 ł — cana.
3. Džyli LC-Cross — $6130
Dva hady tamu za biełaruska-kitajskuju navinku prasili kala $10 tysiač. Ciapier, paśla čarhovych devalvacyj, prapanova stała našmat bolš vyhadnaj.
Chetčbiek z ruchavikom 1,3 ł maje ŭ kamplekcie asnoŭny nabor «zručnaściaŭ»: kandycyjanier, dźvie paduški biaśpieki, čatyry elektraškłopadjomniki i navat sihnalizacyju.
4. Łada Hranta — $6230
Rasijski vytvorca pakul nie ŭviazvajecca ŭ baraćbu cenaŭ, aryjentujučysia pieradusim na ŭnutrany rynak, dzie zachoŭvaje ŭpeŭnienaje lidarstva.
Biudžetnaja «Hranta» — čatyrochdźvierny siedan z ruchavikom 1,5 ł.
Kab zrabić aŭto bolš kamfortnym — dadać kandycyjanier, aŭdyjosistemu, a taksama padahreŭ škła i kresłaŭ — daviadziecca dapłacić kala $800.
5. Łada 4ch4 — $6310
«Za svaju historyju hetaja madel dakazała, što pryncypy, zakładzienyja 30 hadoŭ tamu, pa-raniejšamu aktualnyja: unikalnaja prachodnaść, nadziejnaść i prastata absłuhoŭvańnia».
Byłaja «Niva» słavicca poŭnym pryvadam i nizkimi patrabavańniami da darožnaj infrastuktury.
6. Reno Sandera — $6580
Na biełaruskim rynku pradajucca aŭtamabili francuzskaha brenda, sabranyja ŭ Rasii. Ukazanaja cana akcyjnaja dla «Sandera» z ruchavikom 1,2 ł.
Biez akcyi «Sandera» kaštuje kala $7200 —7300, jak i inšaja papularnaja madel, «Reno Łohan». Abodva aŭtamabili ŭ dziasiatcy lidaraŭ pa prodažach u Biełarusi za minuły hod.
7. Lifan Smajł — $6630
Niekalki hadoŭ tamu kitajskija madeli istotna vyłučalisia siarod kankurentaŭ nizkaj canoj. Ciapier pieravaha nie takaja vidavočnaja. Samaja tannaja madel «Lifana» (z ruchavikom 1,3 ł) maje šmat supolnaha z modnymi «Mini Kupierami» ad kancerna BMW. Kali dapłacić $1000, u kamplekcie źjaviacca centralny zamok, kandycyjanier, parktronik.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ3
Kamientary