11 krasavika spaŭniajecca 80 hod z dnia narodzinaŭ staršyni Rady Biełaruskaj Narodnaj Respubliki Ivonki Surviły.
Radyjo Svaboda dałučajecca da vinšavańniaŭ!
Ivonka Surviłła (Šymaniec) naradziłasia ŭ 1936 hodzie ŭ Stoŭpcach. Z 1944 hodu — u emihracyi. Jaje baćka, Uładzimier Šymaniec, byŭ ministram finansaŭ va ŭradzie BNR časoŭ Mikoły Abramčyka. Žyła ŭ Francyi‚ Danii‚ Hišpanii. Ciapier žyvie ŭ Kanadzie. Maje dźviuch dačok.
Skončyła vyšejšuju Mastackuju škołu ŭ Paryžy‚ paźniej — linhvistyčnaje adździaleńnie Sarbonskaha ŭniversytetu (1959).
Akramia rodnaje movy‚ vałodaje jašče vaśmiu: francuskaj‚ hišpanskaj‚ anhielskaj‚ niamieckaj‚ dackaj‚ łacinskaj‚ narveskaj‚ polskaj.
U 1958-1965 hadoch pracavała ŭ biełaruskaj redakcyi hišpanskaha Nacyjanalnaha radyjo. Z 1969 hodu pracavała ŭ Federalnym uradzie Kanady.
Ivonka Surviła brała aktyŭny ŭdzieł u hramadzkim žyćci dyjaspary, reprezentavała ideju biełaruskaj niezaležnaści na sustrečach z kanadzkimi palitykami, na kanferencyjach dy imprezach. Zajmałasia žyvapisam‚ udzielničała ŭ mastackich vystavach.
U 1989 hodzie arhanizavała kanadzki Fond dapamohi achviaram Čarnobyla ŭ Biełarusi i zastavałasia jaho kiraŭnicaj da 1997 hodu. Dziakujučy fondu, u Biełaruś byli pieradadzienyja leki dy medyčnaje abstalavańnie na dziesiatki miljonaŭ dalaraŭ, na azdaraŭleńni ŭ Kanadzie pabyvali tysiačy biełaruskich dziaciej.
U žniŭni 1997 hodu była abranaja staršynioj Rady BNR.
Siabry i paplečniki — Viačka Stankievič, Janka Zaprudnik, Zianon Paźniak, Siarhiej Navumčyk — pra Ivonku Surviłu.
Kamientary