Lidar handbolnaj zbornaj Biełarusi Siarhiej Rutenka zaviaršalny adrezak siezona praviadzie ŭ minskim SKA. Pra heta paviedamiŭ BiełTA hienieralny dyrektar kłuba Pavieł Hałkin.
Padčas studzieńskaha čempijanatu Jeŭropy ŭ Polščy Siarhiej Rutenka atrymaŭ traŭmu, paśla čaho prachodziŭ kurs reabilitacyi. U kancy sakavika kapitan biełaruskaj zbornaj pačaŭ treniravacca razam sa SKA i ciapier dapamoža armiejskaj družynie na vyrašalnym etapie čempijanatu Biełarusi.
Vystup u składzie SKA nieabchodny Rutenka, kab nabrać aptymalnuju formu i na vysokim uzroŭni zhulać za nacyjanalnuju zbornuju ŭ matčach z kamandaj Łatvii za vychad u finalnuju stadyju čempijanatu śvietu-2017. Pieršy pajadynak płej-of adbudziecca 12 červienia ŭ Minsku, u adkaz — 15 červienia ŭ Vałmijery.
Što tyčycca bližejšych płanaŭ, to ŭžo ŭ sieradu, 13 krasavika, minski SKA ŭ pałacy sportu «Uručča» prymie svajho hałoŭnaha kankurenta ŭ baraćbie za čempijonski tytuł — BHK. Paśla troch matčaŭ druhoha etapa nacyjanalnaha pieršynstva abodva favaryty majuć pa 6 ačkoŭ. U handbalistaŭ «Homiela» dva zalikovyja bały za pieramohu nad hrodzienskim «Kronanam» (37:27), u jakoha pakul niama nabranych ačkoŭ.
Paśla zakančeńnia druhoha etapa pačnucca paŭfinalnyja sieryi da dźviuch pieramoh, u jakich pieršaja kamanda zhulaje z čaćviortaj, druhaja — z treciaj. Zatym pieramožcy paŭfinałaŭ paspračajucca za załatyja miedali, jakija prajhrali razyhrajuć bronzu. Miedalnyja sieryi projduć da troch viktoryj adnoj z kamand.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary