Namieśnik Ščotkinaj: Internet-apytańni niereprezientatyŭnyja, nasamreč hramadstva zhodnaje na pavyšeńnie piensijnaha vieku
Namieśnik ministra pracy i sacyjalnaj abarony Biełarusi Valeryj Kavalkoŭ rastłumačyŭ, čamu, na jaho dumku, apytańni na internet-sajtach z nahody piensijnaha ŭzrostu niereprezientatyŭnyja.
Svaju pazicyju jon ahučyŭ na anłajn-kanfierencyi.
«Lubyja apytańni pavinny adkazvać patrabavańniu reprezientatyŭnaści, to bok pieršapačatkova achoplivać roznyja sacyjalnyja hrupy i ŭzrostavyja katehoryi nasielnictva, — adznačyŭ Valeryj Kavalkoŭ. — Pahadziciesia, što nie ŭsio nasielnictva respubliki možna adnieści da aktyŭnych karystalnikam sietki internet, tym bolš niejkich asobnych sajtaŭ».
Namieśnik ministra raskazaŭ, jak vyvučałasia mierkavańnie hramadzian pa pytańni pavyšeńnia piensijnaha ŭzrostu:
šlacham analizu zvarotaŭ (piśmovych i elektronnych), publičnych i telefonnych apytańniaŭ, u pracoŭnych kalektyvach, a taksama ŭ ramkach ŭzajemadziejańnia z hramadskimi i prafsajuznymi arhanizacyjami, praź ŚMI.
«Praviedzienaja tłumačalnaja praca, ahučanyja dovady na karyść pryniaćcia rašeńnia ab pavyšeńni piensijonnaha ŭzrostu dali vyniki: chaj nie adrazu, ale ŭsio ž hramadzianie zhadžalisia ź nieabchodnaściu pryniaćcia hetaha rašeńnia», - padkreśliŭ Valeryj Kavalkoŭ.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary