Staličny kłub Blondes and Brunettes, viadomy vysokimi cenami i žorstkim dres-kodam, u subotu, 16 krasavika, praviadzie raźvitalnuju viečarynu, paśla čaho zakryjecca. Jon prapracavaŭ try hady.
Kłub Blondes and Brunettes adkryŭsia uletku 2013 hoda pa adrasie vuł. Kamsamolskaja, 38. Jon adrazu atrymaŭ zvańnie samaj zakrytaj ustanovy horada i adroźnivaŭsia ad usiaho, što da hetaha bačyli staličnyja tusoŭščyki. Miesca stała skandalnym dziakujučy pilnamu dres-kodu i praźmiernym cenam. Pry hetym jašče i pracavała tolki pa piatnicach i subotach. A prazrystaje lusterka z mužčynskaha tualeta ŭ žanočy naohuł atrymała klajmo seksisckaha.
Tady palitykaj i kancepcyjaj kłuba zajmaŭsia restaratar Vadzim Prakopjeŭ. Adnak u 2015 hodzie jaho adchilili ad pracy i pasprabavali zrabić kłub «Błandzinki i brunetki» bolš łajalnym da naviedvalnikaŭ. Zrešty, mabyć, i rebrendynh nie pajšoŭ kłubu na karyść.
«Na miescy adkryjecca inšaja ŭstanova ŭ novym farmacie», — patłumačyła pryčynu zakryćcia Natalla Sadoŭskaja, jakaja kiruje Blondes and Brunettes. Infarmacyju pra novych uładalnikaŭ i kancepcyju ŭ kłubie kamientavać admovilisia.
Miesca, jakoje hučna adkryvałasia, zavieršyć pracu hetak ža šumna. U pryvatnaści, 16 krasavika ŭ Blondes and Brunettes projdzie zakrytaja viečarynka Grand Closing.
«Heta byŭ najhoršy kłub na ziamli, ale lepš za jaho nie było», — skazana ŭ zaprašeńni. Arhanizatary abiacajuć hrandyjoznuju prahramu ŭ styli ŭručeńnia premii «Oskar», fiejeryčnaje šou i vyklučnyja kaktejli.
-
«Bro, nie kuplaj sabie bulbiany miašok — idzi ŭ zału»: biełaruski viadučy TNT raskrytykavaŭ mužčynskija kaściumy oviersajz
-
Luksavy italjanski brend Miu Miu vypuściŭ kalekcyju, jakuju paraŭnali z chałatami z CUMa
-
Rost cen na srebra prymusiŭ papularnaha vytvorcu juvielirnych vyrabaŭ Pandora pierajści na płacinu
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary