Numar mabilnaha telefona staršyni Abjadnanaj hramadzianskaj partyi Anatola Labiedźki, hrošy na bałansie jakoha byli aryštavanyja sudovym vykanaŭcam, razbłakavany. Pra heta palityk paviedamiŭ BiełaPAN.
Labiedźka nie moh karystacca mabilnym telefonam z 29 sakavika. Hrošy na bałansie numara mabilnaha telefona byli aryštavanyja ŭ suviazi z najaŭnaściu štrafaŭ za ŭdzieł u nie sankcyjanavanych uładami vuličnych akcyjach.
«U narmalnaj situacyi ja byŭ by pavinien pryciahnuć ich da suda. Jany mnie vystavili rachunak za akcyi, jakija byli apłačanyja jašče vosieńniu minułaha hoda», — zajaviŭ Labiedźka.
Pavodle jaho słoŭ, sudovyja vykanaŭcy nie mieli prava aryštoŭvać hrošy na telefonnym rachunku, a taksama aŭtamabil, haraž.
Pry hetym Labiedźka paviedamiŭ, što pakul nie atrymaŭ adpaviednych apaviaščeńniaŭ ab źniaćci aryštu sa svajoj majomaści. «Ale de-fakta pa telefonie aryšt źniali. Spadziajusia, zamarožanyja i inšyja dziejańni z boku ŭładaŭ», — skazaŭ jon.
«Napeŭna, jany sami padniali buru, a potym vyjavili ŭ svaich papierach, što štrafy byli apłačanyja, tamu i pačali zhortvać svaju aktyŭnaść u dačynieńni da mianie», — dadaŭ Labiedźka.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi16
Kamientary