«Dabravolski nie žadaŭ supakojvacca, ździajśniaŭ aktyŭnyja dziejańni ciełam i nahami» — SK admoviŭsia zavodzić spravu pa fakcie źbićcia žurnalista TUT.BY

Śledčy kamitet paśla trochmiesiačnaj pravierki vyrašyŭ nie pačynać kryminalnuju spravu pa fakcie źbićcia žurnalista TUT.BY Paŭła Dabravolskaha ŭ budynku suda Frunzienskaha rajona 25 studzienia. Śledčy Siamion Picko pahadziŭsia ź viersijaj supracoŭnikaŭ milicyi i adznačyŭ, što Dabravolski svaimi dziejańniami daŭ padstavy ličyć siabie pravaparušalnikam, a značyć prymianieńnie siły da jaho było apraŭdana.

Pavialičyć

Pastanova pačynajecca z apisańnia incydentu ŭ zale suda nad hraficistaŭ, kali dvuch aktyvistaŭ Paŭła Siarhieja i Maksima Šycika vyvieli adtul paśla taho, jak jany pačali pratestavać i skandavać łozunhi.

U dakumiencie SK adznačajecca, što Pavieł Dabravolski «prakraŭsia» ŭ słužbovaje pamiaškańnie, kudy viali zatrymanych, a taksama što jon byŭ «apranuty ŭ cyvilnuju vopratku», na jakoj adsutničali jakija-niebudź elemienty, jakija paćviardžajuć jaho prynaležnaść da ŚMI.

U svaich pakazańniach abodva aktyvisty i žurnalist TUT.BY paćvierdzili, što supracoŭniki milicyi biespadstaŭna źbili ich. Dabravolski zaznačyŭ, što pakazaŭ svajo žurnalisckaje paśviedčańnie. Dalej pryvodziacca vyniki sudmiedekśpiertyzy z mnostvam zafiksavanych kryvapadciokaŭ.

Pavialičyć

Adnoŭlenaja infarmacyja z mabilnaha telefona Dabravolskaha (jaki vioŭ zapis i ŭ pamiaškańni, dzie jaho źbili), pa acency SK, nie ŭtrymlivaje ŭ sabie źviestak, jakija majuć značeńnie dla praviadzieńnia pravierki.

Pa viersii supracoŭnika AMAPa Šyško A.A., Pavieł Dabravolski schapiŭ inšaha amapaŭca Kavalčuka za kurtku, łajaŭsia niecenzurnaj łajankaj, vykrykvaŭ: «miantoŭski praizvoł». «U rukach u jaho nie było ni videakamiery, ni fotaaparata, adsutničaŭ žurnaliscki bejdž pradstaŭnika ŚMI», — raspavioŭ milicyjanier.

Taksama jon zajaviŭ, što Dabravolski supraciŭlaŭsia dziejańniam supracoŭnikaŭ AMAPa i «u niejki z momantaŭ, nie ŭtrymaŭšysia na nahach, upaŭ na padłohu ŭ pakoj dla raźbiralnictvaŭ». Pavodle słoŭ Šyško, zatrymanych nichto nie prynižaŭ i nie źbivaŭ.

«Znachodziačysia ŭ pakoi, Dabravolski P.P. pasprabavaŭ padniacca, pry hetym razmachvaŭ rukami. U metach supakoić Dabravolskaha P.P. jon (Šyško A.A.) i Punčyk P.V. prycisnuli jaho da padłohi i zaviali ruki za śpinu. Ležačy na padłozie, Dabravolski P.P. kazaŭ, što ŭ supracoŭnikaŭ milicyi buduć niepryjemnaści pa słužbie, što napiša artykuł u ŚMI, jaki «narobić šmat šumu».

Adznačym, što praz paŭtara miesiaca hety ž supracoŭnik AMAPa Šyško staŭ śviedkam pa spravie Uładzimira Mackieviča i śćviardžaŭ u sudzie, što bačyŭ fiłosafa na akcyi pratestu, kali toj na samaj spravie byŭ u Varšavie.

Amapaŭcy Kavalčuk i Punčyk dali anałahičnyja tłumačeńni. Apošni zajaviŭ, što «fiksavaŭ Dabravolskaha da padłohi», kab nie dapuścić jaho napadu na supracoŭnikaŭ milicyi.

Pa słovach Punčyka, Dabravolski «nie žadaŭ supakojvacca, ździajśniaŭ aktyŭnyja dziejańni ciełam i nahami», a zatym pahražaŭ raspaŭsiudzić u internecie «haniačuju supracoŭnikaŭ milicyi infarmacyju». Amapaviec śćviardžaje, što žurnalist TUT.BY da hetaha nie zajaŭlaŭ ab svajoj prynaležnaści da presy i nie pakazvaŭ svajho paśviedčańnia.

Milicyjant dapuskaje, što Dabravolskamu mahli nanieści «niaznačnyja cialesnyja paškodžańni», kali jaho pryciskali da ściany i fiksavali na padłozie. Adnak jon admaŭlaje, što karespandentu TUT.BY nanosili ŭdary.

Pavialičyć

Zatym da zatrymanych prybyŭ namieśnik načalnika HUUS Ivan Kubrakoŭ. Pa dadzienych SK, aktyvisty i žurnalist nijakich pretenzij u adras supracoŭnikaŭ milicyi nie vykazvali.

Śledčy kamitet pryjšoŭ da vysnovy, što milicyjanty dziejničali pravamierna, spyniajučy supraćpraŭnyja dziejańni zatrymanych.

«Supracoŭniki orhanaŭ unutranych spraŭ nie niasuć adkaznaści za škodu, pryčynienuju prymianieńniem u praduhledžanych zakanadaŭstvam vypadkach fizičnaj siły i śpiecyjalnych srodkaŭ, kali naniesienaja škoda suraźmierna sile pieraadolenaha procidziejańnia», — adznačajecca ŭ pastanovie.

Tam ža śćviardžajecca, što Dabravolski nie prachodziŭ praceduru rehistracyi ŭ jakaści žurnalista ŭ budynku Frunzienskaha rajonnaha suda. Sam karespandent adznačaje, što jaho zarehistravała pres-sakratar suda.

«Dabravolski, sprabujučy źniać na videakamieru mabilnaha telefona akaličnaści zatrymańnia Šycika i Siarhieja, a taksama aktyŭna pieraškadžajučy supracoŭnikam milicyi ŭ ažyćciaŭleńni zatrymańnia pravaparušalnikaŭ, daŭ padstavu i abhruntavanyja padstavy supracoŭnikam orhanaŭ unutranych spraŭ ŭsprymać jaho jak pravaparušalnika».

Charaktar cialesnych paškodžańniaŭ u Šycika, Siarhieja i Dabravolskaha, na dumku śledstva, abjektyŭna ŭpisvajucca ŭ karcinu «spynieńnia supraćpraŭnych dziejańniaŭ zatrymanych», jakuju apisali milicyjanty.

Na padstavie ŭsiaho hetaha SK vyrašyŭ admović u zaviadzieńni kryminalnych spraŭ u dačynieńni da supracoŭnikaŭ AMAPa «za adsutnaściu ŭ dziejańni składu złačynstva».

***

25 studzienia Pavieł Dabravolski znachodziŭsia ŭ budynku suda Frunzienskaha rajona, kudy byŭ nakiravany redakcyjaj TUT.BY dla aśviatleńnia sudovaha pasiedžańnia pa «spravie hraficistaŭ». Kali milicyjanty vyvieli z zały sudovych pasiadžeńniaŭ aktyvistaŭ Maksima Šycika i Paŭła Siarhieja, žurnalist pajšoŭ za imi, kab zdymać na videa. Dabravolskaha taksama schapili i zašturchnuli razam z aktyvistami ŭ kabiniet. Pa słovach žurnalista, na praciahu chviliny ich intensiŭna źbivali, zatym na praciahu kala 20 chvilin praciahvalisia rehularnyja ŭdary nahami. Heta supravadžałasia łajankaj i pahrozami.

• 0
• 0
• 0
• 0
• 0
• 0
• 0
• 0