Prezident Rasii Uładzimir Pucin padpisaŭ zakon, jaki pradstaŭlaje hramadzianam ziamielnyja ŭčastki ŭ Dalokaŭschodniaj fiederalnaj akruzie.
Dakumient apublikavany na aficyjnym partale pravavoj infarmacyi RF.
U adpaviednaści ź im luby hramadzianin RF moža adzin raz u žyćci biazvypłatna atrymać ziamielny ŭčastak płoščaj 1 hiektar.
Havorka idzie ab ziemlach na terytoryi Respubliki Sacha (Jakucija), Kamčackaha kraju, Prymorskaha kraju, Chabaraŭskaha kraju, Amurskaj vobłaści, Mahadanskaj vobłaści, Sachalinskaj vobłaści, Habrejskaj aŭtanomnaj vobłaści, Čukockaj aŭtanomnaj akruhi.
Razdavacca budzie ziamla, jakaja znachodzicca ŭ municypalnaj abo dziaržaŭnaj ułasnaści, jakaja znachodzicca na adlehłaści bolš za 10 km ad miežaŭ nasielenaha punkta z nasielnictvam bolš za 50 tysiač čałaviek, albo na adlehłaści bolš za 20 km ad miežaŭ nasielenaha punkta z nasielnictvam bolš za 300 tysiač čałaviek, albo ŭ miežach sielskaha pasielišča.
Hetaja ziamla pa zakonie moža być vykarystana dla budaŭnictva doma, viadzieńnia sielskaj haspadarki i pradprymalnictva. Pra sposab vykarystańnia ziamli treba budzie prainfarmavać ułady.
Kali ziamlu nie buduć vykarystoŭvać u zajaŭlenych metach, jana budzie kanfiskoŭvacca.
Krytyki zakonaprajekta adznačali, što dalokaŭschodniaja ziamla biez raźvitaj infrastruktury naŭrad ci zacikavić vialikuju kolkaść ludziej, zatoje ŭmovy prahramy dazvolać hrupie zacikaŭlenych asob atrymać adrazu niekalki hiektaraŭ u śpiekulatyŭnych metach.
Ekśpierty taksama adznačajuć, što adzin hiektar — zanadta mała dla fiermierstva abo pradprymalnictva.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro9
Kamientary