U anhlijskim hrafstvie Notynhiem spyniła pracu apošniaja ŭ krainie tytuniovaja fabryka. Kampanija Imperial Tobacco, jakoj naležała pradpryjemstva, chutčej za ŭsio sfakusujecca na ŭschodniejeŭrapiejskich i azijackich rynkach, kažuć ekśpierty.
Pra prodaž fabryki, jakaja była pabudavana ŭ 1972 hodzie, kampanija abviaściła niekalki miesiacaŭ tamu. Imperial Tobacco pastupova pieranosić svaje zavody ŭ inšyja krainy, dzie tańniejšaja pracoŭnaja siła. Pieranos vytvorčaści ŭ Niamieččynu i Polšču pavialičyć vyručku kampanii na 320 młn funtaŭ (464.2 młn dalaraŭ), patłumačyŭ jaje pradstaŭnik.
Na piku vytvorčaści zavod vypuskaŭ da 52 młrd cyharet u hod, ale, jak adznačaje pradstaŭnik prafsajuza Krys Nidchem, z tych časoŭ popyt na cyharety ŭ Brytanii vielmi mocna ŭpaŭ.
«Sprava ŭ padzieńni vytvorčaści, i adzin z faktaraŭ tut — niehatyŭnaje staŭleńnie da kureńnia ŭ hramadstvie», — kaža Nidchem.
«Ciapier jany [tytuniovaja kampanija] nacelvajecca na azijackija rynki, dzie sacyjalnaje nieprymańnie tytuniekureńnia nie tak mocna. Irak, Siryja, Rasija, Kitaj — ja ŭpeŭnieny, što na hetyja rynki budzie aryjentavacca Imperial Tobacco», - kaža jon.
Imperial Tobacco Group - čaćviortaja ŭ śviecie pa vieličyni tytuniovaja kampanija, adzin z dvuch zasnavalnikaŭ hrupy British American Tobacco.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary