Dzie była samaja krutaja «Noč muziejaŭ — 2016» FOTY
21 maja ŭ Minsku prajšła Noč muziejaŭ. Arhanizatary z kožnym hodam imknucca zrabić bolš jaskravuju i cikavuju prahramu, što adlustroŭvajecca i na kolkaści naviednikaŭ u hety dzień. Što padrychtavali minskija muziei sioleta?
Litaraturny muziej Jakuba Kołasa
A 12-j u muziei prajšoŭ kvest «Minskija adrasy Jakuba Kołasa». Uviečary možna było ŭbačyć vystavu retra-aŭtamabilaŭ 1950-ch, majstar-kłas pa vyrabie paštovak u technicy kvilinh, pasłuchać Sieržuka Misiukieviča pra «łajfchaki ŭ padarožžy» i našych muzykaŭ.
Atmaśfiera była vielmi ciopłaja, choć naviednikaŭ było nie tak šmat, u paraŭnańni ź inšymi muziejami. Zatoje ludzi dobra adpačyli, što była bačna pa ich emocyjach.
Litaraturny muziej Maksima Bahdanoviča
U samym pačatku tut prajšła prezientacyja knih ad časopisa «Prajdziśviet», pradstavili «Šerłaka Chołmsa» pa-biełarusku, prachodzili kvesty, viktaryny.
Litaraturny muziej Janki Kupały
U muziei Kupały prachodziła vystava ŭ honar stohadovaha jubileju viančańnia Janki Kupały i Uładzisłavy Stankievič. Taksama prajšła tradycyjnaja akcyja «Čytajem Kupału razam», na vulicy vystupali muzyki, a majstry pradavali svaje ručnoha vyrabu ŭpryhožvańni. Unutry ž byli i tancy, i hulni, navat ładzili pastanoŭki z udziełam naviednikaŭ. Dy i ŭvachod kaštavaŭ usiaho 1 000 rubloŭ.
Litaraturny muziej Pietrusia Broŭki
U muziei prajšła fotavystava, čytacki marafon «Broŭka non-stop», majstar-kłasy pa šachmatach i šaškach, zajmalny kvest pa muziei.
Cikavaja atmaśfiera. Akunucca ŭ žyćcio piśmieńnika było całkam mahčyma. Składałasia ŭražańnie, što z časoŭ, jak jon žyŭ tam, u kvatery ničoha nie źmianiłasia. Tak, tam nie było vialikaj prahramy, ale naviedać dziela zachapleńnia było varta.
Nacyjanalny histaryčny muziej
Tradycyjna byli vystavy, kožny moh pabačyć novy tvor Maryny Baciukovaj «SUŁA. Nieparyŭnaje» i jarmarku «Viečarovy jabłyčak», pasłuchać muzyku.
Muziej padzialiŭsia pa pakaleńniach. Bolš stałyja ludzi byli ŭnutry, a moładź słuchała muzyku ŭ dvoryku. Było bačna tych, chto naviedaŭ muzieŭ pieršy raz - jany z zacikaŭlenaściu hladzieli na ekspanaty.
Nacyjanalny mastacki muziej
Stryt-art, uschodnija miedytacyi, muzyka, hulni, teatralnyja vystupleńni - usio heta možna było pabačyć u Nacyjanalnym mastackim. Vystupiŭ francuzski teatr «Zaŭtra viasna», siarod muzykaŭ byli Chatte Noir, Tomato jam, Lumiere Tales.
Sioletniaja prahrama muzieja nahadała letašniuju. Praŭda ŭ minułym hodzie i ludziej bolš było. Vidać inšyja muziei pieravabili naviednikaŭ da siabie. Anšłah u asnoŭnym byŭ na prystupkach muzieja, dzie vystupali muzyki.
Miemaryjalny muziej-majsternia Ź.I. Azhura
Niehledziačy na davoli vysokuju canu za ŭvachod, treba adznačyć, što prahrama była davoli słabaj. Kožny, chto pryjšoŭ u muziej, moh pasłuchać i zadać pytańni architektaram Dźmitryju Zadorynu (mahistr Diełfckaha techničnaha univiersiteta, zajmajecca daśledavańniem paślavajennaj savieckaj architektury) i Dźmitryju Bibikavu (architektar-horadabudaŭnik, arhanizatar i ŭdzielnik Minskaj urbanistyčnaj płatformy) i pabačyć kinapakazy.
Niehledziačy na davoli sumnuju prahramu i načny čas, ludziej było dastatkova, a na lekcyi i kinapakazach nie było volnaha miesca. U dvoryku možna było zamović kavy i pasiadzieć ź siabrami. U pryncypie, heta ŭsich i zadavalniała.
* * *
A jakija ŭražańni zastalisia ŭ vas ad sioletniaj «Nočy muziejaŭ»? Vykazvajciesia ŭ kamientarach!
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»6
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary