Ukraincy Hienadź Afanaśjeŭ i Juryj Sałošanka, asudžanyja ŭ RF, napisali prašeńni ab pamiłavańni na imia prezidenta Rasii. Pra heta paviedamiŭ advakat Afanaśjeva Alaksandr Papkoŭ.
Prašeńnie ab pamiłavańni, padkreśliŭ advakat, jaho padabaronny napisaŭ biez pryznańnia viny.
Pa słovach Papkova, napisać prašeńnie ab pamiłavańni Afanaśjevu było prapanavana «dla spraščeńnia pracedury pieradačy va Ukrainu jak najbolš prosty sposab».
«Nakolki mnie viadoma, Juryj Sałošanka taksama napisaŭ prašeńnie ab pamiłavańni», - dadaŭ advakat.
***
Juryj Sałošanka — były dyrektar ukrainskaha abaronnaha zavoda «Znamia». U kastryčniku 2015 hoda jon byŭ asudžany da šaści hadoŭ kałonii strohaha režymu za špijanaž na karyść Ukrainy. Hienadź Afanaśjeŭ byŭ pryhavorany da siami hadoŭ pazbaŭleńnia voli ŭ śniežni 2014 hoda ŭ spravie «krymskich terarystaŭ», pa jakim paśla byli asudžanyja Aleh Siancoŭ i Alaksandr Kolčanka — na 20 i 10 hadoŭ adpaviedna.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary