Apieratar velcom zapuścić pierasoŭnuju stancyju z 30-mietrovaj mačtaj dla miescaŭ masavaha zboru ludziej
Apieratar velcom zapuścić u Biełarusi mabilnuju stancyju z 30-mietrovaj mačtaj, jakaja budzie vykarystoŭvacca dla pavyšeńnia jakaści suviazi ŭ ciažkadastupnaj miascovaści i miescach masavaha zboru ludziej.
Pierasoŭnuju bazavuju stancyju źbiaruć pa ekskluziŭnym prajekcie. Vyšynia mačty składzie rekordnyja 30 mietraŭ — heta budzie samaja vialikaja «sota na kołach», jakaja kali-niebudź vykarystoŭvałasia ŭ Biełarusi. Jana zmoža adnačasova absłuhoŭvać niekalki tysiač abanientaŭ u radyusie 5 kiłamietraŭ.
Mabilny kompleks buduć prymianiać u jakaści alternatyvy stacyjanarnaj vyšcy ŭ ciažkadastupnaj miascovaści, a taksama dla pavyšeńnia jomistaści sietki padčas masavych mierapryjemstvaŭ.
Novy mabilny kompleks moža źjavicca ŭ Biełarusi ŭžo naleta. Jon papoŭnić «aŭtapark» velcom, jaki ciapier naličvaje siem mabilnych bazavych stancyj. Technałohija ŭnikalnaja dla Biełarusi: pakul jaje nichto bolš nie vykarystoŭvaje, padkreślivajuć u kampanii.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary