Haračynia ŭ Biełarusi moža admoŭna paŭpłyvać na ŭradžaj bulby i kukuruzy
Vysokaja tempieratura i niachvatka hlebavaj vilhaci paharšajuć ahramietearałahičnyja ŭmovy dla farmiravańnia ŭradžaju kukuruzy, bulby i šeraha inšych kultur. Pra heta paviedamiła načalnik adździeła ahramietearałahičnych prahnozaŭ Respublikanskaha hidramieteacentra Nadzieja Mielčakova.
«Haračaje i ŭ asnoŭnym suchoje nadvorje ŭstalavałasia ŭ Biełarusi. Intensiŭna idzie strata vilhaci z hleby. Dla bolšaści sielskahaspadarčych kultur taki vysoki tempieraturny režym dy jašče ŭ spałučeńni ź niachvatkaj vilhaci niespryjalny. Naprykład, vysokija tempieratury hleby ŭpłyvajuć na ŭtvareńnie i farmiravańnie kłubniaŭ bulby, a siońnia navat u takoj ciepłalubivaj kultury, jak kukuruza, miescami ŭžo nazirajecca dačasnaje zasychańnie liścia», — skazała Nadzieja Mielčakova.
Pavodle słoŭ śpiecyjalista, takoje nadvorje dobraje tolki dla ciepłalubivych raślin (ahurki, pamidory) i to pry najaŭnaści štučnaha arašeńnia.
Navat kali haračynia asłabnie, to biez daždžoŭ umovy dla ŭradžaju pa-raniejšamu zastanucca składanymi. «Z-za haračyni moža paskorycca paśpiavańnie zbožžavych i skaracicca pieryjad nalivu kołasa, što moža pryvieści da źnižeńnia kolkaści ziarniat u kołasie i źmianšeńnia ich masy. Situacyja vyklikaje zaniepakojenaść, adnak nie źjaŭlajecca krytyčnaj», — ličyć Nadzieja Mielčakova.
Kamientary