Avijacyja ZŠA abmiarkoŭvaje bajavoje vykarystańnie łaziernaj zbroi
Hienierały i aficery VPS ZŠA ŭziali ŭdzieł u Samicie pa vykarystańni kiravanaj enierhii ŭ Vašynhtonie na minułym tydni, kab vypracavać ahulnaje bačańnie budučych bajavych apieracyj z vykarystańniem łaziernaj zbroi, piša vajenny partał airforcetimes.com.
Za apošnija 20 hod łaziernaja zbroja prajšła vialiki šlach — ad niebiaśpiečnych chimičnych łazieraŭ da bolš nadziejnych ćvierdaciełych, ad dziasiatkaŭ vat da dziasiatkaŭ kiłavat.
Choć pakul bajavyja łaziery jašče zanadta vialikija i ciažkija, kab stavić na zvyčajnyja bajavyja samaloty, užo nadyšoŭ čas raspracoŭvać najbolš efiektyŭnyja sposaby ŭbudavać łaziery ŭ arhanizacyju i łahistyku vajennych apieracyj, ličać u Pientahonie.
«Ja ŭpeŭnieny, što pryjšoŭ čas vysokaenierhietyčnych łazieraŭ na poli boju na samalotach padtrymki naziemnych vojskaŭ AS-130. Zbroja budučyni — enierhietyčnaja zbroja», — adznačyŭ hienierał-lejtenant Bredli Chiejtchałd.
Taksama łaziery mohuć vykarystoŭvacca dla efiektyŭnaj baraćby z rakietami praciŭnika, u tym liku hipierhukavymi, a taksama aślapleńnia pryład nazirańnia i prycelvańnia.
Prablemy z vykarystańniem najnoŭšaj zbroi mohuć uźniknuć navat prosta z-za psichałahičnych faktaraŭ: lotčyki mohuć nie vieryć u siłu zbroi, jakaja nie robić «bum!».
«Kali vaš piłot pryzvyčaiŭsia čuć, jak rakiety laciać u samalot praciŭnika, albo adčuvać, jak samalot padskokvaje, vyzvalajučysia ad ciažaru bomby, u jaho sfarmavałasia peŭnaja madel uzajemadziejańnia z mašynaj», - raspaviadaje hienierał-lejtenant Hienry Obierynh.
Cichaja i niabačnaja zbroja, takaja jak łazier, prymušaje piłotaŭ chvalavacca, ci pracuje jana ŭvohule. Mahčyma, kab pieraadoleć hetyja refleksy, budzie patrebna ŭvodzić śpiecyjalnyja zaniatki pa pierapadrychtoŭcy lotčykaŭ, kažuć ekśpierty.
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie9
Kamientary