Amierykanski śpiavak zapuściŭ kampaniju pa vyłučeńni siabie na pasadu prezidenta ZŠA i premjer-ministra Vialikabrytanii adnačasova. Manifiest i prahrama apublikavanyja na aficyjnym sajcie kampanii.
Pieršy punkt u pieradvybarnaj prahramie Kupiera — «viarnuć Brajana Džonsana ŭ AC/DC». Śpiavak taksama abiacaje zmahacca za toje, kab malunak Łemi, niabožčyka, lidara hurta Motorhead, było vysiečana na skałach hary Rašmor razam z partretami amierykanskich prezidentaŭ.
U prahramie jość zabarona na razmovy padčas kinasieansaŭ i zabarona na sełfi va ŭsie dni hoda, akramia śpiecyjalnaha Nacyjanalnaha dnia sełfi.
Vydańnie NME pryvodzić pres-reliz akcyi, u jakim usim žadajučym prapanujuć ustupić u The Wild Party («Dzikaja partyja», inšaje značeńnie — «Bujnaja viečarynka»).
Pieradvybarčaja kampanija supravadžajecca pieśniaj Elected — remiejkam chita Kupiera 1972 hoda.
68-hadovy Kupier (sapraŭdnaje imia Vinsent Furńje) ličycca zasnavalnikam žanru šok-rok, raźvitaha paśla Merylinam Mensanam.
U apošni čas artyst časta vystupaje ŭ składzie supierhrupy The Hollywood Vampires, u jakuju taksama ŭvachodziać akcior Džoni Dep i hitaryst Aerosmith Džo Pery.
Čytajcie taksama:
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary