Paśla sudovaha pasiadžeńnia ŭ Minsku 19 lipienia žurnalisty doŭha čakali, pakul z zały suda vyvieduć Juryja Čyža, ale tak i nie dačakalisia. Uviečary na adnym z padvakońniaŭ fatohrafy zaŭvažyli dva ślady ad roznych čaravikaŭ, jakija pakazvajuć, što niechta moh vychodzić z zały suda praz akno, praminuŭšy žurnalistaŭ, piša Radyjo Svaboda.
Eks-aliharch Jury Čyž, jaki sam znachodzicca ŭ SIZA, u aŭtorak davaŭ pakazańni na svaich byłych paplečnikaŭ pa biznesie Uładzimira i Kaźbieka Japryncavych, na jakich jon raniej napisaŭ zajavu. U sudzie stała viadoma, što KDB abiacała Kaźbieku Japryncavu volu za infarmacyju pra biznes Juryja Čyža.
Paśla trochhadzinnaha dopytu Juryj Čyž pakinuŭ zału suda (paśla 13:00).
A va ŭnutranym dvoryku suda ŭžo stali žurnalisty, dadaje kp.by. Usie čakali, što voś-voś Čyža vyvieduć kanvairy i pasadziać u mašynu. Išła hadzina, druhaja, ale biznesmiena nie vyvodzili. Zatoje nieŭzabavie źjavilisia ŭ kajdankach abvinavačanyja Japryncava i Arabian, ich pasadzili ŭ mašynu i advieźli ŭ SIZA KDB.
— Čyž u budynku, ale nie vyjdzie, pakul nie razyjducca fatohrafy, - skazała kp.by ułasnaja krynica.
Da viečara stała vidavočna: žurnalisty nie syduć. I da 20.00 Juryj Čyž tak i nie źjaviŭsia ŭ dvoryku, abharodžanym žaleznaj kletkaj. Usie stali hadać: jon zastaŭsia ŭnutry ci ŭsio ž zmoh nieprykmietna ŭciačy? Ale jak?
Pieršaja viersija - Čyža vyvieli praz bakavyja dźviery. Pakul usio stoŭpilisia ŭ adnym miescy, jon całkam moh sabie vyjści niezaŭvažanym.
Druhaja viersija - jon vyskačyŭ praz akno cokalnaha pavierchu. Z ulikam taho, što prajšoŭ doždž, na ziamli vyrazna bačnyja dva ślady. Fatohrafy navat prymiecili: heta adbitak levaj nahi dvuch roznych ludziej. Mahčyma, razam z Čyžom vyjšaŭ jaho supravadžalnik, vykazvańnie mierkavańnie kp.by.
Treciaja viersija — Čyž zastaŭsia ŭ zale suda.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary