Japonski skakun z šastom pakryŭdziŭsia na žarty pra svoj pienis
Skakun z šastom ź Japonii Chiroki Ahita vykazaŭ ździŭleńnie paśla źjaŭleńnia paviedamleńniaŭ pra toje, što jaho pienis nibyta pieraškodziŭ jamu prajści ŭ finalnuju častku alimpijskich spabornictvaŭ u Rya-de-Žaniejra.
Niekatorym žurnalistam i karystalnikam sacsietak paśla prahladu videazapisu vystupu Ahity padałosia, što jaho pałavy orhan pryjšoŭ va ŭzbudžany stan padčas skačku i pieraškodziŭ jamu čysta vykanać praktykavańnie.
Ahita zajaviŭ, što nie čakaŭ ad zamiežnych ŚMI takich źnievažalnych kamientaroŭ u svoj adras.
«Adna sprava, kali b heta było praŭdaj, ale ja pavinien skazać, što ździŭleny tym, jak daloka jany zajšli, pačaŭšy kpić i ździekavacca ź mianie», — zajaviŭ 28-hadovy spartsmien.
Jak patłumačyŭ Bi-bi-si adzin z ekśpiertaŭ pa skačkach z šastom, takoje ŭražańnie mahło paŭstać u žurnalistaŭ i hledačoŭ z-za niaŭdałaha rakursu zdymak. Na fotazdymkach vystupu Ahity vidać, jak jaho naha i ruka kranajucca płanki i źbivajuć jaje.
Paźniej spartoviec napisaŭ u sacsietkach, što ŭsprymaje abmierkavańnie svajho niaŭdałaha skačka z humaram. «Pierahladajučy (skačok) iznoŭ, ja mahu skazać sabie, što było davoli śmiešna», — napisaŭ Ahita ŭ Tvitary.
Kamientary