Krym nie moža być viernuty Ukrainie niahledziačy na toje, što Rasija «anieksavała» paŭvostraŭ. Pra heta zajaviŭ prezident Čechii Miłaš Zieman, pieradaje Reuters.
«Anieksija aznačaje parušeńnie mižnarodnych pahadnieńniaŭ, i heta, niesumnienna, aznačaje, što pahadnieńni, jakija harantujuć terytaryjalnuju cełasnaść Ukrainy, byli parušanyja», - skazaŭ kiraŭnik dziaržavy. Jon adznačyŭ, što, tym nie mienš, kiraŭnik CK KPSS Mikita Chruščoŭ «zrabiŭ niedaravalnaje hłupstva», pieradaŭšy Krym Ukrainie.
«Suśvietnyja palityki pryznajuć siońnia, što Krym nie moža być viernuty Ukrainie», — padsumavaŭ prezident.
Ahienctva adznačaje, što Zieman paśladoŭna vystupaje suprać zachavańnia sankcyj ES suprać Rasii i źjaŭlajecca nośbitam prarasijskich pohladaŭ. Jon byŭ adzinym zachodnim lidaram, chto pryniaŭ udzieł va ŭračystaściach u mai 2015 hoda ŭ Maskvie z nahody Dnia Pieramohi.
Ciapier čytajuć
U centry Minska tajamniča źnikła dačka dyrektara bujnoha ahrakompleksu8
Kamientary