Mitrapalit Pavieł: BPC — nie kankurent dziaržavie, a jaje nadziejnaja i stvaralnaja apora
Pra heta zajaviŭ siońnia Mitrapalit Minski i Zasłaŭski Pavieł, Patryjaršy Ekzarch usioj Biełarusi ŭ čas sustrečy Alaksandra Łukašenki ź Sinodam BPC.
«Chaču, kab usie žychary respubliki dobra razumieli, što Biełaruskaja pravasłaŭnaja carkva — nie kankurent dziaržavie, a nadziejnaja i stvaralnaja apora dziaržavie i hramadstvu», — skazaŭ mitrapalit.
Pavodle jaho słoŭ, carkva sama imkniecca budavać i stvarać, prosić Boha, kab jon zachoŭvaŭ krainu i narod u miry, dabradziejstvie i cišyni, kab ludzi mahli spakojna žyć i praciahvać svoj mirnuju pracu.
«Jepiskapat našaj carkvy źviartaje asablivuju ŭvahu na nieabchodnaść maralnaha vychavańnia moładzi, jakaja siońnia vymušana supraćstajać roznym vyklikam hetaha śvietu», - dadaŭ Patryjaršy Ekzarch.
Mitrapalit Pavieł padziakavaŭ Łukašenku za vialikuju padtrymku, jakuju akazvaje dziaržava pry budaŭnictvie i restaŭracyi pravasłaŭnych abjektaŭ, ahulnych kulturnych i duchoŭnych kaštoŭnaściej. «Naša siońniašniaja sustreča z vami - heta bačny znak vysokaha davieru i ŭvahi kiraŭnika dziaržavy da Biełaruskaj pravasłaŭnaj carkvy, u skład jakoj uvachodzić bolšaść hramadzian respubliki. Ale razam z tym heta i naša surjoznaja adkaznaść za budučyniu krainy», - padkreśliŭ jon.
Kamientary