91-hadovy vieteran vajny pryjšoŭ na pikiet Daškieviča, kab pastavić podpis za nacyjanalny ściah
Źmicier Daškievič u svaim fejsbuku padzialiŭsia ŭražańniami pra siońniašni zbor podpisaŭ za pryznańnie bieł-čyrvona-biełaha ściaha historyka-kulturnaj kaštoŭnaściu. Źmicier ad 19 vieraśnia ładzić zbor podpisaŭ u Minsku, a siońnia pravioŭ pikiet la ŭniviersama «Centralny» ŭ centry stalicy.
«Podpisy źbiralisia siońnia vielmi dobra i badziora. Tolki ŭ mianie za hadzin šeść pracy kala 250 podpisaŭ — pa 40 podpisaŭ za hadzinu. Zborščykaŭ było siońnia ad troch da šaści ŭ rozny pieryjad času i ahułam podpisaŭ la univiersama «Centralny» sabrana blizu tysiačy. Raduje, što mnohija zasłužanyja i viadomyja ludzi pryjšli padpisacca za #našściah I jość siarod hetych podpisaŭ samy darahi dla nas siońnia.
Vieteran Druhoj suśvietnaj vajny Suryn Mikałaj pavolna išoŭ da bieł-čyrvona-biełaha pikieta pa chodnikach praspekta, paraŭniaŭsia, vyprastaŭsia i paprasiŭ padpisny arkuš. 91-hadovy partyzan admysłova dla hetaj misii apranuŭ usie bajavyja ŭznaharody, a na raźvitańnie ŭźniaŭ nad Mienskam bieł-čyrvona-bieły ściah. Jon vyhladaŭ vielična — navat voŭčaja zhraja nie aśmieliłasia kinucca da jaho i skłaści pratakoł»
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary