U bližejšy čas kiraŭnik Biełarusi naviedaje Maskvu, dzie adbuducca pieramovy z prezidentam Rasii Uładzimiram Pucinym. Pra heta zajaviŭ ministr zamiežnych spraŭ Biełarusi Uładzimir Makiej, piša BiełTA.
«U kancy miesiaca płanujecca vizit u Azierbajdžan», — dadaŭ ministr. Jon adznačyŭ davoli ščylny hrafik mižnarodnych sustreč kiraŭnika biełaruskaj dziaržavy.
Makiej paviedamiŭ, što ŭ pačatku nastupnaha hoda taksama płanujecca šerah vizitaŭ kiraŭnika dziaržavy ŭ krainy i rehijony tak zvanaj dalokaj duhi. «Usio heta ŭpisvajecca va ŭstanoŭku kiraŭnika dziaržavy ab dyviersifikacyi našych źniešnieekanamičnych adnosin i kancepcyju šmatviektarnaj palityki», — adznačyŭ jon.
Uładzimir Makiej, padkreślivajučy važnaść praviedzienaha vizitu Riedžepa Taipa Erdahan, dadaŭ, što ŭ pačatku nastupnaha hoda ŭ Minsku płanujecca pravieści pasiadžeńnie biełaruska-tureckaj mižuradavaj kamisii. Pa jaho vynikach čakajecca padpisańnie darožnaj karty raźvićcia dvuchbakovych adnosin na bližejšuju pierśpiektyvu. «My damovilisia, što heta pasiadžeńnie pavinna być vielmi vynikovym i napoŭnienym kankretnymi prajektami», — kanstatavaŭ ministr.
Kamientary