Davydźka: Top-10 pierłaŭ Łukašenki ad «Našaj Nivy» vyhladajuć miarzotna
Reakcyja sacyjalnych sietak i biełaruskich ŚMI na pres-kanfierencyju Alaksandra Łukašenki była padobnaj. Vystup kiraŭnika krainy razyšoŭsia na śmiešnyja cytaty.
Čytajcie: Top-10 pierłaŭ Alaksandra Łukašenki z pres-kanfierencyi dla rasijskich ŚMI
Materyjał vyklikaŭ tradycyjnaje abureńnie staršyni Biełteleradyjokampanii Hienadzia Davydźki.
«Ščyraść prezidenta, napoŭnienaja pavahaj da svaich hramadzianaŭ, luboŭju da radzimy, historyi, siamji, vielmi spadabałasia pieravažnaj bolšaści nasielnictva. Ale voś dla naparstnikaŭ z Našaj Nivy heta tolki nahoda pavydzirać z kantekstu i pajachidničać!
Voś niechta «Pańkoviec» (tradycyjny mietad prapahandystaŭ — źniavažliva pierakrucić proźvišča apanienta — «NN»), puskajučy śluni ad kajfu, navyrazaŭ z kantekstu top-10 pierłaŭ Alaksandra Łukašenki.
Pieršaja fraza: «usie hetyja hadžety, ajfony, płafony». Chaču adukavać słaviesnaha šulera i jaho apiakunčykaŭ. «Płafonam» — ad słovaŭ płanšet i telefon — nazyvajuć mabilnuju pryładu z dyjahanallu ekrana 5—7 calaŭ. Inšyja frazy taksama možna było b niejak prakamientavać, niejak na ich adreahavać… Nu prosta ahidna, ščyra kažučy. Jakaja meta takich publikacyj? Usie razumiejuć, što kiraŭnik dziaržavy adkryta vystupiŭ. Naturalna, jon nie moh redahavać siabie… I tut ža ŭčapilisia! Jakaja meta? Vyhladaje miarzotna».
«Heta hłumleńnie», «paršyŭcy zubaskalać», «heta abraza prezidenta i ŭsich, chto jaho abiraŭ», «u hetych žurnalistaŭ zrenki ŭ formie zamočnaj adtuliny» — voś taki ŭzrovień arhumientacyi ŭ kiraŭnika Biełteleradyjokampanii.
«Im važniej pakazać, jak prezident načeplivaŭ akulary! — aburyŭsia Davydźka i tut ža načapiŭ ich sam. — Čym toje hłabalnaje, što jon nasamreč ščyra, z serca sprabavaŭ danieści».
Naprykancy pieradačy kiraŭnik BT patłumačyŭ pałymiany vystup svajoj «emacyjnaściu».
Čytajcie taksama: Kniaź Vitaŭt z Kałymy: historyja pośpiechu (ci padzieńnia) Hienadzia Davydźki
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary