Bijatłanist Čapielin upieršyniu za amal 12 hadoŭ prynios mužčynskaj zbornaj Biełarusi miedal
Pieršy etap Kubka śvietu pa bijatłonie praciahvaje daryć jarkija emocyi biełaruskim zaŭziataram. Na hety raz ich paradavaŭ Uładzimir Čapielin, jaki vyjhraŭ bronzu ŭ mužčynskaj indyvidualnaj honcy.
Čapielin, jak i Darja Jurkievič ŭčora, pakazaŭ nie samuju lepšuju chutkaść, ale zmoh vydatna adpracavać na ahniavych rubiažach, u toj čas jak hałoŭnyja favaryty dapuskali vielizarny lik promachaŭ.
Biełarus na pieršaj «ložcy» zrabiŭ promach i zajmaŭ tolki 50-je miesca, ale dalej pracavaŭ na rubiažach idealna i pačaŭ svoj ŭzdym: druhaja stralba - 11-je miesca, treciaja - 7-je i podyum na finišy.
Uładzimir Čapielin prajhraŭ 1 chvilinu i 24 siekundy Martenu Furkadu (0 + 2 + 0 + 0). Druhim staŭ narviežac Jochanes Bo (0 + 0 + 0 + 2).
Heta pieršy ŭ karjery biełarusa podyum na etapach Kubka śvietu.
* * *
Da hetaha apošni raz biełaruski spartsmien braŭ miedal etapu Kubka śvietu 16 sakavika 2005 hoda. Aleh Ryžankoŭ u toj dzień vyjhraŭ bronzu ŭ spryncie ŭ Chanty-Mansijsku.
Adznačym, što srebrany miedal na Alimpijadzie ŭ Vankuviery ŭ 2010 hodzie vyjhraŭ Siarhiej Novikaŭ
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary